31.05.2021

Ministrja Shahpaska në takim me përfaqësuesit e Komisionit të Venecias: Propozim-ligji për Barazi Gjinore siguron realizimin e barazisë së plotë gjinore në shoqëri dhe shanse të barabarta për të gjithë

“Barazi në shoqëri, qasje të barabarta për resurset e burrave dhe grave, shanse të barabarta për përparim, barazi për të gjithë është obligim të përbashkët dhe prioritet i Qeverisë së Republikës së Maqedonisë së Veriut dhe, si i tillë, është pjesë e Programit të Qeverisë 2020-2024”, theksoi ministrja e Punës dhe Politikës Sociale, Jagoda Shahpaska, në takimin e sotëm me përfaqësuesit e Komisionit të Venecias, në të cilin u shqyrtua Propozim-ligji i ri për barazi gjinore.
 

28.05.2021

Ministrja Shahpaska në shënimin e 145 vjetorit të Kryengritjes së Razllovcit: Falë qëndrueshmërisë së popullit tonë dhe pathyeshmërisë së shpirtit të tij, sot Republika e Maqedonisë së Veriut është shtet i lirë, i pavarur dhe modern

“Kryengritja e Razllovcit ka domethënie të veçantë për popullin maqedonas. Me të fillon lufta e organizuar kundër padrejtësisë, shtypjes, terrorit ndaj popullit maqedonas gjatë pesë shekujve të robërisë osmane. Është simbol i mosbindjes së popullit tonë maqedonas dhe paralajmërues i luftës së tij për liri”, theksoi ministrja e Punës dhe Politikës Sociale, Jagoda Shahpaska, me rastin e 145 vjetorit të Kryengritjes së Razllovcit në fshatin Razllovci.

28.05.2021

Shahpaska: Razllovci me kopshtin e parë për fëmijë, kujdesemi për çdo fëmijë pa marrë parasysh a vjen nga mjedisi urban apo rural

Ministrja e Punës dhe Politikës Sociale, Jagoda Shahpaska, së bashku me kryetarin e Komunës së Dellçеvës, Goran Trajkovski, inspektuan punimet e ndërtimit të kopshtit të ri për fëmijë në fshatin Razllovci, Komuna e Dellçevës.

27.05.2021

Ministrja Shahpaska në “Zgjedhjen e grave më të suksesshme menaxhere”: Përmes një shembulli personal krijojeni barazinë gjinore në bizneset që i udhëhiqni, vetëm në këtë mënyrë do të arrijmë barazi të plotë gjinore

“Të jesh grua udhëheqëse është me të vërtetë një sfidë, nevojitet dëshirë dhe përpjekje dyfish më e madhe nga burrat për të arritur qëllimin. Pengesat dhe problemet duhen shikuar përballë dhe kur të gjithë ju bindin se është e vështirë, duhet të jeni këmbëngulës dhe të vazhdoni tutje. Pikërisht këtë po shikojë në këtë sallë. Shoh gra të guximshme dhe të forta, suksesi i së cilëve nuk ka qenë i lehtë, shoh gra të cilat janë përballur me sfida, por janë mjaftueshëm të guximshme të ëndërrojnë dhe janë mjaftueshëm këmbëngulëse ta realizojnë ëndrrën e tyre”, porositi ministrja e Punës dhe Politikës Sociale, Jagoda Shahpaska në manifestimin jubilar të 25-të “Zgjedhja e grave më të suksesshme menaxhere”.

27.05.2021

Shahpaska: Dy shtëpi të hapura për banim me mbështetje në Demir Kapi, procesi i deinstitucionalizimit vazhdon 

“Me të vërtetë kam nderin dhe kënaqësinë që sot në Demir Kapi, e krijojmë jetesën me mbështetje, përkatësisht hapim dy njësi banimi, ku do të sistemohen nëntë qiramarrësit e djeshëm të Entit Special Demir Kapi”, tha ministrja e Punës dhe Politikës Sociale Jagoda Shahpaska në ngjarjen e sotme me rastin e hapjes së dy shtëpive të synuara për banim me mbështetje në Demir Kapi, si pjesë e procesit të deinstitucionalizimit. Në ngjarje ishte i pranishëm edhe Nikolla Bertolini, shef i Departamentit për Bashkëpunim në Delegacionin e Bashkimit Evropian dhe kryetari i Komunës së Demir Kapisë, Llazar Petrov.

26.05.2021

Shahpaska: Ndërtimi i dy kopshteve të reja për fëmijë në Komunën e Strumicës është dëshmi për bashkëpunimin e frytshëm ndërmjet ministrisë dhe komunës

Ministria e Punës dhe Politikës Sociale, Jagoda Shahpaska dhe kryetari i Komunës së Strumicës, Kosta Janevski, sot realizuan takim pune, ku biseduan për projektet aktuale dhe të ardhshme që janë në interes të qytetarëve të kësaj komune.

26.05.2021

Ministrja Shahpaska në seancën e KES: Puna në distancë do të përfshihet në Ligjin e ri për Marrëdhëniet e Punës

“Puna në distancë do të përfshihet në Ligjin e ri për Marrëdhëniet e Punës. Në periudhën e pandemisë si shoqëri ne kemi bërë hap serioz në përshtatjen e procesit të punës atje ku mundet sipas kushteve të imponuara nga situata e re”, tha ministrja Jagoda Shahpaska në seancën e sotme të Këshillit Ekonomik-Social, në lidhje me analizat e bëra nga Organizata Ndërkombëtare e Punës (ONP).

26.05.2021

MPPS: Vijon pagesa në etapa e pensioneve të majit

 
Ministria e Punës dhe Politikës Sociale informon se vijon pagesa e pensioneve të majit. Pensionet do të paguhen para kohe dhe në etapa, për të mundësuar mbrojtje më të madhe të pensionistëve në kushte të rrezikut nga virusi COVID-19.

25.05.2021

Ministrja Shahpaska dhe drejtori i APRMV-së, Demiri: Qytetarët fitojnë një shans shtesë për përfshirje në programet më atraktive dhe masat nga Plani Operativ për vitin 2021
 
Programet më atraktive dhe masat nga Plani Operativ për vitin 2021, për të cilat periudhën e kaluar kishte një interesim të madh, nga sot, përsëri janë në dispozicion për qytetarët, informuan në konferencën e sotme të shtypit ministrja e Punës dhe Politikës Sociale, Jagoda Shahpaska dhe drejtori i Agjencisë së Punësimit, Abdush Demiri.

21.05.2021

Ministrja Shahpaska në promovimin e Platformës Nacionale të Sipërmarrësisë së Grave: Zhvillimi i sipërmarrësisë dhe tejkalimi i stereotipave kanë përparësi për tërë shoqërinë

“Barazi në shoqëri, qasje të barabartë drejtuar resurseve të burrave dhe grave, shanse të njëjta për avancim, barazi për të gjithë...Krijojmë një shoqëri të tillë dhe për këtë qëllim përpiqemi si Qeveri”, tha ministrja e punës dhe politikës sociale, Jagoda Shahpaska në fjalimin e saj në ngjarjen e sotme ku u promovua “Platforma nacionale e sipërmarrësisë së grave”.

20.05.2021

Shahpaska: Sigurojmë asistencë personale edhe për fëmijët të moshës nga 6 deri në 18 vjeç, 200 fëmijë fitojnë asistencë personale si mbështetje në aktivitetet e përditshme 

“Asistenca personale paraqet ndihmë individuale dhe mbështetje për personat me aftësi të kufizuara të rënda dhe më të rënda fizike dhe persona tërësisht të verbër, qëllimi i së cilës është të jetuarit në mënyrë të pavarur, pjesëmarrjen aktive dhe të barabartë në komunitet dhe kryerjen e aktiviteteve të përditshme. Ndryshimet e propozuara të Ligjit për mbrojtje sociale, në pjesën e asistencës personale, i referohen uljes së kufirit të moshës nga mosha 18 në 6 vjeç për shërbimin asistencë personale, ndërsa përfitimi nga ky vendim ligjor është 200 shfrytëzues shtesë të moshës nga gjashtë deri në 18 vjeç të fitojnë asistencë personale”, theksoi ministrja Jagoda Shahpaska, në debatin e sotëm publik për ndryshimet e propozuara në Ligjin për mbrojtje sociale, në Kuvendin e Republikës së Maqedonisë së Veriut.  

19.05.2021

MPPS: Vijon pagesa e shtesës për arsim për periudhën e tretë matëse

Ministria e Punës dhe Politikës Sociale i njofton qytetarët se vijon pagesa e shtesës për arsim për pakon e tretë të masave.

19.05.2021

Shahpaska në takim me Lidhjen e Shoqatave të Pensionistëve: Vazhdojmë me kujdesin për kategorinë më të moshuar të qytetarëve, i afrojmë shërbimet sociale në vendin e banimit, investojmë në shtëpi të reja për të moshuarit 

Ministrja e Punës dhe Politikës Sociale, Jagoda Shahpaska, sot u takua me përfaqësuesit e Lidhjes së Shoqatave të Pensionistëve.

17.05.2021

Shahpaska në panel debatin me rastin e 17 Majit - Ditës ndërkombëtare për luftë kundër homofobisë, bifobisë dhe transfobisë: Përmes vendimeve ligjore, strategjive dhe Planit Aksional Ndërkombëtar, i avancojmë të drejtat e komunitetit LGBTI, sepse të gjithë qytetarët janë të rëndësishëm

Ministrja e Punës dhe Politikë Sociale, Jagoda Shahpaska, sot mori pjesë në panel debatin me rastin 17 Majit – Ditës ndërkombëtare për luftë kundër homofobisë, bifobisë dhe transforbisë, të organizuar nga Delegacioni i BE-së në vend, ku morën pjesë edhe ambasadori Dejvid Gir, deputetja Moraçanin, përfaqësues të organizatave civile dhe Komisioni për mbrojtje dhe parandalim nga diskriminimi.

14.05.2021

Ministrja Shahpaska në takim me Misionin e FMN-së: Kemi ruajtur 80 mijë vende të punës, vazhdon procesi i rimëkëmbjes ekonomike, krijojmë rregullore moderne për marrëdhëniet e punës

Qeveria e Republikës së Maqedonisë së Veriut meriton mirënjohje për politikat që ndërmori dhe mënyrën me të cilën u përball me sfidat e pandemisë me Covid-19, u përfundua në takimin e sotëm online që ministrja e Punës dhe Politikës Sociale, Jagoda Shahpaska e mbajti me përfaqësuesit e Misionit të Fondit Monetar Ndërkombëtar.

10.05.2021

Shahpaska: Është shumë e rëndësishme që të gjithë t’i qasemi procesit të vaksinimit, në mënyrë që të dalim nga pandemia sa më shpejt dhe të kthehemi në përgjegjësitë tona të përditshme

Ministrja e Punës dhe Politikës Sociale, Jagoda Shahpaska, sot në Pikën e vaksinimit në Sallën Sportive “Boris Trajkovski” e mori dozën e parë të vaksinës për mbrojte nga koronavirusi. Në prononcim për media, ajo theksoi se është detyrë qytetare për të gjithë që t’i qasemi procesit të vaksinimit, në mënyrë që të dalim nga pandemia sa më shpejt që të jetë e mundur dhe të kthehemi në përgjegjësitë tona të përditshme.

07.05.2021

Ministrja Shahpaska në tryezë të rrumbullakët me temën “A kanë mbetur punëtorët informalë pa vaksinë ekonomike në kushtet e Covid 19?”

Ministrja e Punës dhe Politikës Sociale, Jagoda Shahpaska sot mori pjesë në tryezë të rrumbullakët me temë “A kanë mbetur punëtorët informalë pa vaksinë ekonomike në kushtet e Covid 19?”, ku u prezantua “Analiza e efektit të Covid-19 mbi punëtorët që janë pjesë e ekonomisë joformale dhe punëtorët e punësuar përkohësisht, përmes masave të propozuara për mbështetjen e tyre”, organizuar nga “Analytica Think tank”, me mbështetjen financiare të Fondacionit Shoqëri e Hapur - Maqedoni.

04.05.2021

MPPS: Vijon pagesa e të drejtave nga mbrojtja sociale, e fëmijëve dhe civile

Ministria e Punës dhe Politikës Sociale informon se prej sot filloi pagesa e të drejtave në të holla nga mbrojtja sociale, e fëmijëve dhe mbrojtja civile (të gjitha të drejtat në të holla) për muajin prill 2021.