Kompetencat e Ministrisë së Punës dhe Politikës Sociale 

Ministria e Punës dhe Politikës Sociale kryen punët që kanë të bëjnë me:

• marrëdhëniet e punës dhe punësimin;
• sigurimin pensional-invalidor;
• mbrojtjen e punëtorëve në punë;
• sigurimin material të të papunëve të përkohshëm;
• pagat dhe standardin jetësor;
• politikën sociale;
• politikën popullore humane për zhvillim të harmonizuar ekonomik dhe social;
• marrëdhëniet juridike në martesë, familje dhe bashkësi jashtëmartesore;
• marrëdhëniet prind-fëmijë, kujdestari dhe birësim;
• avancimin e barazisë gjinore;
• mbrojtjen e fëmijëve dhe të miturve;
• mbrojtjen e të rinjve dhe grave;
• mbrojtjen e personave me aftësi të kufizuara;
• mbrojtjen e invalidëve civilë nga lufta;
• mbrojtjen e luftëtarëve nga lufta antifashiste dhe nga të gjitha luftërat nacionalçlirimtare të Maqedonisë, të invalidëve të luftës, të të përndjekurve dhe të burgosurve për idetë e pavarësisë së popullit maqedonas dhe shtetësisë së tij, si dhe të anëtarëve të familjeve të tyre që nuk kanë mundësi për ekzistencë materiale dhe sociale;
• mbikëqyrjen brenda kompetencës së saj dhe
• kryerjen e punëve të tjera të përcaktuara me ligj.

Misioni

Krijimi dhe zbatimi i politikave të tregut të punës, sigurimit social, mundësive të barabarta, mbrojtjes dhe parandalimit të diskriminimit në përputhje me standardet dhe parimet ndërkombëtare.

Vizioni

Sigurimi i një tregu fleksibil i punës, i ndjekur nga siguria sociale gjithëpërfshirëse proaktive, mundësitë e barabarta për qytetarët dhe zbatimi i garantuar i standardeve dhe parimeve ndërkombëtare përmes dialogut social.