03.10.2023

Trençevska: Pjesa më e madhe e popullatës joaktive janë femra, prandaj vazhdojmë të avokojmë për aktivizimin më të madh të tyre në tregun e punës

“Në Indeksin Gjinor që promovuam së fundmi dhe në botimin “Gratë dhe Burrat”, shifrat tregojnë se pjesa më e madhe e popullsisë joaktive janë femra. Kjo e pengon shtetin të shfrytëzojë potencialin e plotë të grave dhe të shfrytëzojë sa më shumë kapitalin njerëzor në shtet. Inaktiviteti i femrave është 55.1%, për dallim nga meshkujt, që është 32.8%, ndërsa hendeku gjinor midis meshkujve dhe femrave në tregun e punës është 20.3%. Arsyet do t'i kërkojmë në stereotipet, paragjykimet dhe shqetësimin e gruas për shtëpinë dhe familjen, veçanërisht në zonat rurale”, tha Trençevska në Top Tema të Televizionit Telma.

Ministrja e Punës dhe Politikës Sociale, Jovanka Trençevska, sonte ishte mysafire në televizionin Telma, ku fokusi kryesor i diskutimit ishte pozita e grave në Republikën e Maqedonisë së Veriut dhe shkalla e lartë e papunësisë, hendeku në tregun e punës mes burrave dhe grave dhe propozimi i Ligjit për barazi gjinore si dhe kontributet e tij në avancimin e çështjes së barazisë gjinore në vend.

Trençevska theksoi se rolet gjinore në lidhje me rolin e vajzave dhe djemve krijojnë diskriminim. Ajo theksoi se kur merret parasysh arsimi si faktori kryesor për mundësi të barabarta, me arsimin fillor dhe të mesëm të detyrueshëm, dallimi në pjesëmarrjen e djemve dhe vajzave nuk vërehet, por theksoi se në arsimin e lartë dhe studimet pasuniversitare vërehet në masë të madhe.

Ministrja iu referua përfituesve të të drejtave të mbrojtjes sociale dhe aktivizimit të tyre në tregun e punës.

“Ajo për të cilën po punojmë veçanërisht me përfituesit e Asistencës Minimale të Garantuar është se si t'i aktivizojmë ata në tregun e punës. Përfituesit e kësaj të drejte janë kryesisht pa kualifikime dhe përmes procesit të aktivizimit do të mund të integrohen në tregun e punës. Këtë e ka paraparë edhe Reforma Sociale e vitit 2019, por ne jemi penguar nga kriza e KOVID, tani së bashku me Bankën Botërore dhe Ambasadën Zvicerane po punojmë në këtë drejtim, në këtë proces janë përfshirë edhe Qendra për Punë Sociale dhe AVRSM. “, theksoi Trençevska