27.09.2023

Trençevska: Vazhdojmë bashkëpunimin e frytshëm me Slloveninë në fushën e sigurisë dhe shëndetit në punë

Ministrja e Punës dhe Politikës Sociale, Jovanka Trençevska, ka takuar sot Sekretarin Shtetëror nga Ministria e Punës, Familjes, Punës Sociale dhe Mundësive të Barabarta të Sllovenisë, Dan Juvan. Në takim u nënshkrua një memorandum në fushën e kushteve të sigurta dhe të shëndetshme të punës për punonjësit.

Qëllimi i memorandumit të nënshkruar është njohja e potencialit ndërmjet vendeve për bashkëpunim si dhe zhvillimi i marrëdhënieve miqësore. Me nënshkrimin e memorandumit pritet që në periudhën e ardhshme institucionet të përfshihen në shkëmbimin e informacionit, përvojave dhe praktikave më të mira lidhur me politikat në lidhje me Sigurinë dhe Shëndetin në Punë, duke përfshirë strategjitë, ligjet dhe iniciativat kombëtare.

Ministrja dhe sekretari shtetëror shprehën interesim të madh për intensifikimin e bashkëpunimit mes ministrive.