19.09.2023

Trençevska: Krizat pas nesh, nevojat dhe cenueshmëria e qytetarëve na treguan se sa i rëndësishëm është sistemi i mbrojtjes sociale

Ministrja e Punës dhe Politikës Sociale, Jovanka Trençevska, sot mbajti fjalim në konferencën e titulluar “Puna sociale dhe politika sociale në kohë krize globale”, organizuar nga Instituti për Punë Sociale dhe Politikë Sociale, Fakulteti Filozofik në Universitetin “Shën Kirili dhe Metodi” në Shkup dhe Ministria e Punës dhe Politikës Sociale si mbështetës dhe bashkë-organizator.

Konferenca e cila është e karakterit ndërkombëtar, për një muaj bashkoi komunitetin shkencor dhe praktikantët e fushës së punës sociale nga rajoni dhe bota.

Ministrja përshëndeti idenë dhe realizimin e saj sot dhe dy ditët në vijim së bashku me pjesëmarrësit e konferencës për të folur për një segment kaq të rëndësishëm në çdo shoqëri - politikën sociale.

Instituti për Punë Sociale dhe Politikë Sociale, i cili përfaqëson një njësi të veçantë pune të Fakultetit Filozofik në Universitetin “Shën Kirili dhe Metodi”,  feston 65 vjetorin e themelimit. Me atë rast, ministrja u uroi atyre punë të suksesshme dhe shumë staf të lartë profesional dhe shkencor për punë në fushën e kujdesit social, të fëmijëve dhe shëndetësisë, si dhe në fushën e arsimit.

Përmes periudhës së gjatë të veprimtarisë mësimore, Instituti i Punës Sociale, duke marrë parasysh ndryshimet dinamike reformuese në fushën e politikës sociale dhe mbrojtjes sociale në nivel kombëtar, si dhe trendet botërore në edukimin e punonjësve socialë, po punon vazhdimisht për të përditësuar konceptin e programeve të studimit të punës sociale dhe politikës sociale.

“Nëpërmjet programeve të studimit adresohen nevojat bashkëkohore të punonjësve socialë të ardhshëm. Programet që ofrojnë mundësojnë edukimin për një qëndrim jodiskriminues në procesin e ofrimit të shërbimeve me theks të veçantë në kategoritë e rrezikuara sociale të qytetarëve që përballen me rreziqe sociale si rezultat i statusit të tyre social dhe ekonomik, përkatësisë etnike, gjinisë, moshës etj. ”, tha Trençevska.

Nga kjo rrjedh lidhja dhe bashkëpunimi i ngushtë i Ministrisë së Punës dhe Politikës Sociale dhe Institutit për Punës Sociale. Shumë projekte të përbashkëta nga sfera sociale që synojnë drejtpërdrejt kategoritë e cenueshme dhe ofrimin e mundësive për një jetë dinjitoze për të gjithë.

“Republika e Maqedonisë së Veriut sipas Kushtetutës është vend social. Një vend që kujdeset për çdo qytetar dhe që ofron ndihmë dhe mbështetje për të gjithë. Ndryshimet në Ligjin për Mbrojtjen Sociale, zgjerimi i të drejtave që përfitojnë qytetarët, futja e shërbimeve të reja sociale për kategoritë e cenueshme të qytetarëve, zhvillimi i qasjeve inovative mbrojtëse tregojnë se ne po punojmë me përkushtim për të kompletuar sistemin e mbështetjes për qytetarët”, theksoi Trençevska.

Ajo theksoi se ndryshimet në punën sociale rrjedhin sipas ndryshimeve në shoqëri.

“Pandemia me Kovid 19, por edhe kriza ekonomike dhe energjetike me të cilën u përballëm, periudha pas nesh, nevojat dhe cenueshmëria e qytetarëve na treguan se sa i rëndësishëm është sistemi i mbrojtjes sociale”, theksoi ajo.

 Ajo iu referua profesionistëve të fushës që iniciojnë ndryshimet.

“Përfaqësuesit e akademisë janë ata që sjellin ndryshimet, krijojnë vitalitetin e sistemit social dhe ata që flasin me zë të lartë për çdo kategori dhe për të drejtat që duhen drejtuar. Kjo është arsyeja pse jam më se e nderuar që ne jemi një nga patronët e kësaj konference. Përvjetori i Institutit për Punë Sociale dhe Politikë Sociale është edhe përvjetori i sistemit tonë të mbrojtjes sociale. Sepse janë profesionistët nga ky sistem ata që i zbatojnë ndryshimet tona”, porositi Trençevska.