22.09.2023

Janë miratuar konkluzionet e takimit ministror për avancimin e të drejtave të Romëve

Në takimin e katërt ministror me radhë, i cili u mbajt pas miratimit të "Deklaratës së partnerëve nga Ballkani Perëndimor për integrimin e romëve në procesin e zgjerimit të BE-së" - Deklarata e njohur, u bënë konkluzione për të çuar përpara punën e vazhdueshme për integrimin e romëve në këto fusha: arsim, punësim, strehim, anticiganizëm, përfshirje digjitale, regjistrimi civil.

Ministrat i bëjnë thirrje Këshillit të Evropës, në kuadër të projektit rajonal IPA, të japë një vlerësim të pavarur, me rastin e pesë viteve nga zbatimi i angazhimeve të Poznanit, për takimin e ardhshëm ministror. Kjo qasje e orientuar nga të dhënat do t'i mundësojë qeverisë të identifikojë boshllëqet, të bëjë rregullimet e nevojshme dhe të sigurojë llogaridhënie.

Ministrat u angazhuan për të investuar në mbështetjen e përfshirjes së romëve duke zbatuar plotësisht projekte dypalëshe IPA që synojnë romët dhe duke rritur përfshirjen e dimensionit rom në programet përkatëse sektoriale IPA, veçanërisht ato që lidhen me rritjen ekonomike, arsimin, punësimin, shëndetin, strehimin, agjenda digjitale dhe të gjelbër.

Ministrat konfirmuan se do të takohen në vitin 2024 në takimin e ardhshëm ministror në Serbi për të diskutuar zbatimin e angazhimeve dhe përmbushjen e përgjithshme të synimeve të përcaktuara në procesin e Deklaratës së Poz.