08.02.2023

Trençevska: Së bashku mund ta bëjmë të mundur që personat të cilët kanë vështirësi për t'u punësuar të jenë më konkurent në tregun e punës

Ministrja e Punës dhe Politikës Sociale, Jovanka Trençevska, u takua me përfaqësuesit Petrica Dulgeru, drejtoreshë ekzekutive e rrjetit REDI, Kristina Marian, drejtoreshë e partneriteteve në REDI, Asib Zekir, drejtor i REDI për Riciklim dhe Iniciativa të Gjelbërta dhe eksperten e pavarur, Mila Carovska. 

Biseda në fillim të takimit u fokusua në arritjet e vitit të kaluar si rezultat i bashkëpunimit të Ministrisë së Punës dhe Politikës Sociale dhe REDI-t.

Gjatë viteve 2021 dhe 2022 është zbatuar Programi i Digjitalizimit dhe formalizimit. U zhvilluan trajnime për të transformuar 50 biznese të drejtuara nga romët nga një biznes tradicional në një biznes digjital.

Ministrja Trençevska gjatë takimit theksoi se është e nevojshme që kategorive të cenueshme të qytetarëve, veçanërisht të papunëve, t'u sigurohen kushte për rikualifikim dhe përfshirje më të lehtë në tregun e punës.

Takimi u mbyll duke konfirmuar angazhimet për vende të reja të gjelbërta si dhe nevojën për një ekonomi të gjelbër.

Të pranishmit u pajtuan që pikërisht personat që kanë më pak shanse për punësim të jenë pjesë e agjendës së gjelbër të Qeverisë së Republikës së Maqedonisë së Veriut si dhe të shoqatave që merren me këto çështje në vend.