23.02.2023

Takimi Trençevska-Gvi Jeop Son: Mbështetja dhe bashkëpunimi i agjencive të KB-së në vend vazhdon dhe përforcohet në rrugën drejt Bashkimit Evropian

Ministrja e Punës dhe Politikës Sociale, Jovanka Trençevska, sot ka takuar drejtoreshën rajonale të Kombeve të Bashkuara për Evropë dhe Azinë Qendrore, Gvi Jeop Son dhe koordinatoren e përhershme të KB-së në vend, Rosana Duxhiak.

Në takim u bisedua për bashkëpunimin dhe mbështetjen e agjencive të KB-së në vendin tonë në lidhje me fushat nën kompetencat e Ministrisë së Punës dhe Politikës Sociale.

Ministrja Trençevska me këtë rast informoi për bashkëpunimin me UN Vomen në fushën e barazisë gjinore dhe fuqizimit të grave. Ministria po zbaton projektin “Avancimi i institucionalizimit të buxhetimit të përgjegjshëm gjinor (BPGJ) përmes integrimit sistematik të perspektivës gjinore në planifikimin strategjik dhe programimin e institucioneve qeveritare në Maqedoninë e Veriut në bashkëpunim me UN Vomen”. Projekti mbështet progresin e vendit në zbatimin e angazhimeve kombëtare dhe ndërkombëtare për barazinë gjinore dhe fuqizimin e grave në përputhje me objektivat e zhvillimit të qëndrueshëm dhe procesin e anëtarësimit në BE. Është krijuar gjithashtu një Qendër Burimore për politikëbërjen dhe buxhetimin e përgjegjshëm gjinor.

Në fushën e të drejtës së punës, dialogut social, sigurisë dhe shëndetit në punë, tregut të punës dhe punësimit, u theksua mbështetja e madhe nga Organizata Ndërkombëtare e Punës (OKB). Si një nga bashkëpunimet më domethënëse është strategjia më e fundit nacionale e punësimit 2021-2027 dhe Plani i Veprimit 2021-2023, si dhe mbështetja e ekspertëve dhe ndihma teknike.

Fondi i KB-së për popullsinë është gjithashtu një partner afatgjatë i ministrisë. Bashkëpunimi me këtë agjenci ka pasur intensitet të madh, duke pasur parasysh se është duke u përgatitur strategjia për politikat demografike.

Partner afatgjatë i Ministrisë së Punës dhe Politikës Sociale është edhe UNICEF-i, veçanërisht në fushën e promovimit të kujdesit ndaj fëmijëve. Janë hapur dy qendra për mbështetjen e familjeve kujdestare dhe janë mbajtur trajnime për ekspertë nga qendrat për punë sociale. Nga departamenti për zbatimin e Strategjisë për Romët thekson përfshirjen e UNICEF-it në Projektin për përfshirjen e fëmijëve romë në arsimin parashkollor.

Për shumë vite, UNHCR ka qenë partner i ministrisë, gjegjësisht sektorit të mbrojtjes sociale dhe departamentit për migrim dhe integrim të refugjatëve dhe të huajve, si dhe në zbatimin e Ligjit për personat e pa regjistruar në Regjistrin e Lindjeve, me aktivitete në terren dhe asistencë ligjore për këta persona pranë institucioneve.

Në takim, bashkëbiseduesit shprehën gatishmërinë dhe besimin për thellimin e bashkëpunimit me agjencitë e KB-së në vend, i cili është i një rëndësie të madhe në procesin e shqyrtimit dhe negociatave të para-anëtarësimit të vendit me Bashkimin Evropian.