14.02.2023
Për herë të parë realizohet e drejta e shfrytëzimit të kompensimit për lehoni për gratë fermere, u miratua Programi për mbështetjen e sigurisë sociale
Qeveria e Republikës së Maqedonisë së Veriut, në seancën e rregullt të mbajtur më 02.07.2023, miratoi Programin për mbështetjen e sigurisë sociale të grave që merren me veprimtari bujqësore për vitin 2023.
Me këtë program, për herë të parë realizohet e drejta e shfrytëzimit të përfitimit të lehonisë për gratë fermere, gjatë parandalimit të veprimtarisë bujqësore për shkak të lindjes , e drejtë e cila nuk mbulohet me rregulloren për pushimin e lehonisë me pagesë ,në fushën e marrëdhënieve të punës të punëtorëve të bujqësisë.
Me miratimin e këtij Programi filloi zbatimi i masës së posaçme për mbështetje financiare në shumë prej 81.000 denarë për kompensimin nëntëmujorë të lehonisë.
Grupi i synuar që do ta kenë këtë mbështetje janë gratë që kanë statusin e fermeres individuale të siguruar, të fituar në përputhje me Ligjin për sigurimin pensional dhe invalidor, dhe këto janë ato fermerë që nuk njihen nga ligjet e marrëdhënieve të punës si persona në marrëdhënie pune, kjo është arsyeja pse ata nuk mund të marrin pushim të paguar të lehonisë.
Mbështetje financiare për kompensim të lehonisë do t'i jepet gruas e cila ka lindur fëmijë në periudhën nga data 01.12.2022 deri më 01.12.2023 dhe që i plotëson disa kushte, duke perfshirë regjistrimin në regjistrin e vetëm të njësive bujqësore si mbajtëse apo anëtare të një ekonomie familjare bujqësore, ferma familjare në të cilën është anëtare, ka pranuar mbështetje financiare në përputhje me Programin për mbështetje financiare në bujqësi për vitin 2021 në shumë prej së paku 100.000 denarë ose të ardhura të realizuara nga veprimtaria bujqësore në vlerë prej së paku 300.000 denarë dhe të ketë status të pandërprerë të fermerit individual të siguruar, në pajtim me Ligjin për sigurim pensional dhe invalidor, në periudhë prej 12 muajsh para lindjes së fëmijës.
Programi është zhvilluar me iniciativë dhe në bashkëpunim të drejtpërdrejtë me gratë që ushtrojnë veprimtari bujqësore, të cilat punojnë dhe jetojnë në zonat rurale dhe fitojnë të ardhura nga aktiviteti bujqësor dhe deri më tani nuk kanë marrë asnjë kompensim për lindjen e një fëmije, pra pushim të paguar të lehonisë.
Ky aktivitet realizohet me mbështetjen e madhe të Ministrisë së Punës dhe Politikës Sociale e cila u përfshi që në fillim në procesin dhe aktivitetet për gjetjen e një zgjidhjeje për këto gra së bashku me Ministrinë e Bujqësisë, Pylltarisë dhe Menaxhimit të Ujërave dhe Federatës Kombëtare të Fermerët që nisën këtë iniciativë.
Gjithashtu në të gjitha aktivitetet në vazhdimësi u përfshinë edhe fermere nga zonat rurale, të cilat dhanë një kontribut të madh në gjetjen e kësaj zgjidhjeje.
Grupi i punës që punoi në këtë aktivitet u përfaqësua edhe nga ekspertë të punësuar në Ministrinë e Punës dhe Politikës Sociale, Ministrinë e Bujqësisë, Pylltarisë dhe Menaxhimit të Ujërave, Ministrisë së Shëndetësisë, Administratës së të Ardhurave Publike, Fondi i Sigurimeve Pensionale dhe Invalidore, Fondi i Shëndetësisë dhe Agjencia për Mbështetjen Financiare të Bujqësisë dhe zhvillimit rural.