12.04.2023
Trençevska: Pajisjet për kopshtin në Toçila janë dorëzuar, i mbetet Komunës së Prilepit t'i eliminojë mangësitë dhe t'i përfundojë punimet ndërtimore që të hapet deri në fund të verës
Ministrja e Punës dhe Politikës Sociale, Jovanka Trençevska, sot ka inspektuar kopshtin e ri në vendbanimin Toçila të Komunës së Prilepit.
Objekti i ri do të funksionojë në kuadër të Institucionit Publik të Fëmijëve – Kopshti “Nasha idnina” dhe do të ketë një kapacitet për 252 fëmijë. Ky kopsht është pjesë e Programit për ndërtimin, pajisjen dhe mirëmbajtjen e objekteve për mbrojtjen e fëmijëve për vitin 2022 të Ministrisë së Punës dhe Politikës Sociale. Pajisja, si investim i Ministrisë së Punës dhe Politikës Sociale është në vlerë prej 9.288.202 denarë, ndërsa pjesa e ndërtimit është financuar nga Komuna e Prilepit.
“Me dorëzimin e pajisjeve, Ministria ka e përmbushur obligimin e saj nga Marrëveshja për furnizimin e pajisjeve brenda afatit të përcaktuar. Siç kemi parë gjatë kontrollit, pajisjet kanë ardhur dhe janë pranuar dhe me këtë përfundon pajisja e objektit. Mbetet që komuna t'i korrigjojë mangësitë e vërejtura nga arkitektët dhe besoj se deri në fund të verës do të mund ta hapim atë”, tha Trençevska.
Ministrja shprehu bindjen se me 13 kopshtet e reja që janë në fazën përfundimtare në shtet, mbulimi i fëmijëve në arsimin parashkollor dhe arsimin do të rritet më tej.
Trençevska theksoi se në ndërkohë personat përgjegjës nga kopshti duhet të paraqesin sistematizimin e ri, duke përfshirë edhe stafin e ri për kopshtin, në mënyrë që procesi parashkollor të ecë pa probleme.
Kryetari i Komunës së Prilepit, Borçe Jovçevski, tha se kapaciteti prej 252 fëmijëve të organizuar në 13 paralele siguron kujdesin e duhur për të gjithë fëmijët. Ai foli edhe për rëndësinë e kopshtit në përmbushjen e nevojave të qytetarëve të Komunës së Prilepit, për akomodimin dhe përkujdesjen e fëmijëve të tyre në institucionet parashkollore. Ai theksoi se periudha në vijim do të shpenzohet për eliminimin e mangësive të konstatuara dhe përfundimin e punimeve ndërtimore.