19.04.2023

Trençevska në Top Tema: Ligjet ekzistojnë për të mbrojtur të drejtat e qytetarëve

Ministrja e Punës dhe Politikës Sociale, Jovanka Trençevska, gjatë paraqitjes së saj në emisionin “Top Tema” në Televizionin Telma, foli për ndryshimet në Ligjin për marrëdhëniet e punës, rritjen e pagave në sektorin publik dhe për zhvillimet e fundit lidhur me çështjen e barazisë gjinore në nivel shtetëror.

Trençevska në fillim të vizitës e theksoi përhapjen e shpejtë të dezinformatave në lidhje me ndryshimet në Ligjin për marrëdhënie të punës në pjesën për kohëzgjatjen e orarit të punës.

“Me ndryshimet e propozuara nga deputetët në kuvend, theksohet se orari i punës kërkohet të jetë mbi 8 orë. Kjo nuk do të thotë se të gjithë punonjësit që do të punojnë në Korridor do të punojnë 60 orë në javë, përkatësisht 20 orë në javë jashtë orarit ”, tha Trençevska. 

Ajo ka theksuar se varësisht nga procesi i punës dhe kushtet atmosferike në të cilat punojnë njerëzit, orari i punës do të jetë i ndryshëm. Prandaj është kërkuar që ora shtesë të jetë më shumë se 8 orë, por kjo nuk do të thotë se do të jetë 60 orë jashtë orarit.

Ministrja gjithashtu tha se pa pëlqimin me shkrim të punonjësit, asnjë person nuk do të punojë jashtë orarit të punës. Ajo theksoi se çdo punë jashtë orarit raportohet në inspektoratin shtetëror të punës dhe tha se është autoriteti që mbikëqyr nëse bëhet puna jashtë orarit dhe nëse paguhet.

“Propozimi që është dhënë në kuvend e përcakton kufirin e sipërm, kemi biseduar me hartuesit e ligjit në kuvend dhe me deputetët që të përcaktohet kufiri i sipërm. Bisedimet vazhdojnë dhe sigurisht që do të miratojmë një ligj që do të mbrojë të drejtat e punëtorëve”, tha Trençevska.

Gjatë vizitës u hap një diskutim për temën e rritjes së pagave.

“Sipas Ligjit për pagën minimale, është paraparë rritje e pagave të tjera, ku komponenti i pagës minimale është përfshirë në pagën bazë. Fatkeqësisht, rritja e pagës së zyrtarëve është një vendim i gjykatës kushtetuese. Kërkojmë mënyrë që gjithçka të kthehet në gjendje ligjore, kjo rritje e pagave nuk është e drejtë për mendimin tim”, tha Trençevska në lidhje me pagat.

Ajo iu rikthye situatës në vitin 2014 dhe theksoi se Gjykata Kushtetuese e asaj periudhe nuk e ka marrë në konsideratë dispozitën për rritjen e pagave nëse ishte kushtetuese apo jo. Ajo theksoi gjithashtu se në kushtet kur pensionet dhe pagat janë rritur dhe në kohën kur është vendosur një sistem, një vendim i gjykatës kushtetuese i shkatërron të gjitha politikat e mira.

Trençevska intervistën e saj e përfundoi me temën e diskriminimit ndaj grave dhe barazisë gjinore. Ajo theksoi se gratë jetojnë në demokraci, jo në një inkuizicioni, dhe vuri në dukje se gratë duhet të kenë të njëjtat të drejta si burrat. Ajo tha se si gra nuk kërkojnë asgjë më shumë se mundësi të barabarta.