08.05.2023
Trençevska: Është arritur progres në dialogun me partnerët social për Marrëveshjen e re të Përgjithshme Kolektive në sektorin publik
Këshilli Ekonomik dhe Social sot mbajti seancën e nëntë, të cilën e kryesoi ministrja e Punës dhe Politikës Sociale, Jovanka Trençevska.
Në seancën e sotme është shqyrtuar dhe miratuar Informacioni për zbatimin e Planit të Punës për Rishikimin e Profesioneve dhe Informacioni për pjesëmarrjen e një delegacioni trepalësh në Konferencën Ndërkombëtare të Punës në Gjenevë në qershor të vitit 2023.Konferenca Ndërkombëtare është organi më i lartë vendimmarrës i Organizatës Ndërkombëtare të Punës, anëtare e së cilës është Republika e Maqedonisë së Veriut. Njëkohësisht, përfaqësuesit e partnerëve socialë u ngarkuan që deri të mërkurën përfaqësuesit e Organizatës së Punëdhënësve dhe Unioni i Sindikatave të propozojnë përfaqësuesit sa më shpejt të jetë e mundur.
Diskutimi kryesor i Këshillit Ekonomik dhe Social ishte për një Marrëveshje të re të Përgjithshme Kolektive për sektorin publik, gjatë së cilës u shqyrtuan propozimet nga sindikatat.
Zëvendëskryeministri Bitiqi iu referua dy propozimeve për përllogaritjen e pagave në sektorin publik, propozimi i parë i Qeverisë është që të merret paga minimale bruto në përcaktimin e pagës bruto dhe të shtohet numri i pikëve dhe vlera e një pike. Dhe vlera e pikës a e sjellur nga Kuvendi.
Për propozimin e sindikatave, paga bazë bruto duhet të përcaktohet si paga mesatare bruto shumëzuar me koeficientin e kompleksitetit të vendit të punës. Zëvendëskryeministri vuri në dukje se për të arritur objektivin e dëshiruar duhet një periudhë tranzicioni për respektimin e plotë të pagës mesatare.
Përfaqësuesit e Qeverisë theksuan se qëllimi është krijimi i një sistemi unik dhe thjeshtimi që do të nënkuptojë zgjidhje që do të mbrojnë standardin e qytetarëve dhe do të monitorojnë produktivitetin e ekonomisë.
Partnerët socialë ranë dakord të bëjnë simulime për të dy propozimet për llogaritjen e pagave në sektorin publik dhe seancën e ardhshme të KES-së javën e ardhshme për t'u shqyrtuar.