21.07,2023
Trençevska në vizitë në kopshtin e fëmijëve "Perla e Zemunit" me qëllim të avancimit të mbrojtjes së fëmijëve përmes shembujve të mirë
Ministrja e Punës dhe Politikës Sociale, Jovanka Trençevska, së bashku me delegacionin nga Republika e Maqedonisë së Veriut, me përfaqësues nga Ministria e Punës dhe Politikës Sociale dhe përfaqësues të projektit për përmirësimin e shërbimeve sociale në këtë ministri, vizituan kopshtin e fëmijëve “Zemunski biser”. Objekti është pjesë e institucionit publik për fëmijë "Dr. Sima Millosheviq" në Beograd, Republika e Serbisë.
Gjatë vizitës, punonjëset e kopshtit i shpjeguan ministers projektin “Edukimi dhe arsimi parashkollor gjithëpërfshirës” i cili zbatohet nga Ministria e Arsimit e Republikës së Serbisë. Qëllimi i përgjithshëm i projektit është të përmirësojë disponueshmërinë, cilësinë dhe drejtësinë e edukimit dhe arsimit parashkollor, veçanërisht për fëmijët e kategorive të rrezikuara sociale të qytetarëve. Projekti ka 3 komponentë: përmirësimin e disponueshmërisë së edukimit dhe arsimit parashkollor, promovimin e barazisë përmes mbështetjes për fëmijët dhe familjet e grupeve sociale të cenueshme dhe përmirësimin e cilësisë së arsimit parashkollor.
Punonjësit u ndalën në komponentin e dytë dhe theksuan se një nga detyrat është të mbështesë prezantimin cilësor dhe zbatimin e programit të ri - Bazat e edukimit dhe arsimit parashkollor të quajtur simbolikisht "Vitet e Ngjitjes". Programi konfirmon rëndësinë e lojës në këtë moshë dhe rëndësinë e pjesëmarrjes së përbashkët të fëmijëve dhe të rriturve.
Ministrja u informua se Kopshti "Perla e Zemunit" është një nga 5 kopshtet - qendrat nga grupi, praktikuesit (edukatorët dhe bashkëpunëtorët profesional) që janë më me përvojë në aplikimin e Programit Bazë dhe si pjesë e projektit është krijuar modeli i të mësuarit të përbashkët përmes modelimit "Edukimi dhe arsimi parashkollor gjithëpërfshirës" përmes të cilit Ministria e Arsimit ofron mbështetje për zbatimin e programit "Bazat në bashkëpunim" me institutin për Pedagogji dhe Andragogji të Fakultetit Filozofik të Universitetit të Beogradit dhe UNICEF-it si partnerë implementues.