16.07.2023

MPPS: Nga nesër deri më 25 korrik vazhdon faza portokalli në të gjithë vendin – rekomandohet lirimi nga puna i kategorive më më të rrezikuara të popullsisë

Ministria e Punës dhe Politikës Sociale u bën thirrje punëdhënësve, kujdestarëve dhe edukatoreve në kopshte, punonjësve të Qendrave për Punë Sociale, në Kryqin e Kuq që të respektojnë rekomandimet e Ministrisë së Shëndetësisë, për mbrojtjen e shëndetit dhe parandalimin e pasojave të valëve të të nxehtit në vijim, sipas Planit të Veprimit të Ministrisë së Shëndetësisë për parandalimin e pasojave të valëve të të nxehtit në shëndetin e popullatës.

I gjithë territori i vendit tonë vijon të jetë i prekur nga temperaturat nga faza portokalli (alert) dhe për këtë arsye masat vijojnë me një kohëzgjatje nga nesër, 17 korrik deri më 25 qershor.

Masat e përgjithshme që duhet të respektohen janë si më poshtë:

Lirimi nga detyrimet e punës për grupet më të rrezikuara të popullsisë, si - gratë shtatzëna dhe personat mbi 60 vjeç.

Në ambientet e kujdesit për fëmijët (kopshtet), nuk duhet të praktikohet aktiviteti fizik dhe fëmijët nuk duhet të nxirren jashtë në mes të orës 11:00 dhe 17:00.

Njësitë e vetëqeverisjes lokale, Kryqi i Kuq dhe Qendrat për Punë Sociale në rajonet e prekura nga vala e të nxehtit për të ofruar ndihmë për personat e vetmuar, të moshuar, të pafuqishëm dhe të pastrehë.

Duke pasur parasysh faktin se disa procese të rrezikshme prodhimi dhe teknologjike mund të përbëjnë një rrezik shtesë për shëndetin e punëtorëve të ekspozuar, punëdhënësve u kujtohet detyrimi për të respektuar rregulloret ligjore në këtë fushë.

Në të njëjtën kohë, Ministria e Punës dhe Politikës Sociale apelon për shtimin e kontrolleve nga Inspektorati Shtetëror kompetent i punës.

Në të njëjtën kohë, Qeveria konkludoi se personat e liruar nga detyrimet e punës mund të punojnë nga shtëpia (on-line), nëse e lejon procesi i punës (tekniko-teknologjik).