11.01.2023

Trençevska për TV 24: Në muajin mars, paga minimale do të jetë mbi 20 mijë denarë, që është për 12 mijë më shumë se paga minimale në vitin 2017

“Metodologjia e përllogaritjes së pagës minimale, e miratuar në mars 2022, është një zgjidhje sistematike që parashikon rritje të vazhdueshme të pagës minimale. Një zgjidhje që nuk do të varet nga vullneti politik, por është në linjë me rritjen e shpenzimeve së jetesës dhe rritjen e pagës mesatare. Në mars të çdo viti, sipas kësaj metodologjie do të bëhet harmonizimi i pagës minimale”, tha Trençevska në një dalje për TV 24.

Ajo theksoi se në kuadër të Këshillit Ekonomik Social do të diskutohet në muajin mars për pagën minimale sipas të dhënave të marra nga ESHS.

“Presim që paga minimale të jetë rreth 20.200 denarë. Kjo është rreth 12-13% ose rreth 2000 denarë paga më e lartë se në vitin 2022. Dhe nëse kthehemi pas, kur paga minimale ishte 9.000 denarë, dhe jo në të gjithë sektorët, disa sektorë paguanin 8.000 denarë, tani në mars do të kemi pagë mbi 20.000 denarë, që është më shumë se dyfish. Paga minimale është 12.000 denarë më e lartë”, theksoi Trençevska.

Ajo theksoi se Qeveria është e fokusuar në zgjidhje sistematike, jo në masa populiste.

“Në muajin mars, me rritjen e pagës minimale, të gjithë të punësuarit në administratën shtetërore, të cilët marrin pagë në përputhje me Ligjin për nëpunësit administrativë, do të marrin pagë më të madhe për aq përqind sa diferenca, , gjegjësisht përqindja e rritjes së shpenzimeve të jetesës dhe rritjes së pagës mesatare”, tha Trençevska.

Ministrja foli edhe për projektligjin për sistemin e pagave në sektorin publik, të cilin MSHIA-ja e ka dorëzuar në ENER, si dhe mundësinë për komente dhe vërejtje. Ajo theksoi se është një draft version për të cilin do të konsultohen të gjitha palët e interesuara, institucionet, sindikatat dhe të tjerët. Ajo foli për sistemin jo të unifikuar të pagave në sektorin publik, si p.sh. një person që punon në një kompani apo agjenci publike merr një pagë më të lartë se gjyqtari i Gjykatës së Lartë apo presidenti i  shtetit. Ministrja theksoi se ligji fut një sistem që nënkupton rritje të vazhdueshme të pagave në sektorin publik, siç është sistemi i vendosur i pagës minimale dhe pensioneve.

Për sa i përket mbështetjes për qytetarët në kohë krize ekonomike dhe energjetike, ministrja iu referua masave antikrizë që aktualisht janë aktive dhe mbulojnë kategoritë më të rrezikuara të qytetarëve, të cilat do të paguhen çdo muaj nga dhjetori deri në mars. Ajo përkujtoi se çdo janar, sipas Ligjit për Mbrojtjen Sociale dhe Ligjit për Mbrojtjen e Fëmijëve, të drejtat sociale dhe mbrojtja e fëmijëve barazohen me koston e jetesës. Dhe me pagesën e të drejtave për m. Të drejtat e janarit do të jenë më të larta për 14.2%.