25.01.2023

Trençevska për Slloboden Peçat: Avancimi i të drejtave të punëtorëve është në vend të parë

Ministrja e Punës dhe Politikës Sociale, Jovanka Trençevska, sot ishte pjesë e programit të mëngjesit  të Slloboden Peçat. Temë e bisedës ishte draft versioni i Ligjit për marrëdhëniet e punës.

Trençevska theksoi se nuk duhet të nxitohet në hartimin e ligjit që cenon të drejtat e punëtorëve. Drafti version ka qenë tashmë në zhvillim e sipër prej 4 vitesh nga një grup pune i përbërë nga të gjithë palët përkatëse që janë prekur nga ligji.

Ministrja shpjegoi se diskutimet publike janë në vazhdimësi, të cilat po organizohen për të dëgjuar mendimet e të gjithëve, dhe tregoi se nëse ka nevojë, pas përfundimit të numrit të caktuar të diskutimeve, do të organizohen edhe më shumë.

“Ne treguam arsyeshmëri me propozimin që është përfshirë në draft-versionin e ligjit. Kur punoni në një grup pune, duhet të ketë kompromis. Prandaj kemi vendosur që kontratat e punës me afat të caktuar kohor të jenë 2 vjeçare dhe nuk ka mundësi që të nënshkruhet aneks i kontratës më shumë se 3 herë”, tha ministrja në lidhje me propozimin për kontrata pune me afat të caktuar.

Në pjesën e marrëveshjeve kolektive, ministrja vuri në dukje se për momentin propozimi është që kontratat kolektive të lidhen për 2 vjet plus që të jenë të vlefshme edhe për një vit, pasi të kenë kaluar këto 3 vite nuk do të jenë më të vlefshme. Ndërsa në lidhje me marrëveshjen e përgjithshme kolektive, ajo theksoi se Qeveria ishte e gatshme ta nënshkruante marrëveshjen vitin e kaluar, por për shkak të nivelit të ulët të fleksibilitetit nga ana e Sindikatës së Sindikatave, kontrata kolektive nuk u nënshkrua.

Në fund të intervistës, ministrja shpjegoi edhe ndryshimet në lidhje me mbikëqyrjen inspektuese.

“Në pjesën e inspektimit kemi ndryshime, tani kemi dallimin mes urdhërit dhe paralajmërimit. Paralajmërimi do të përdoret për një pjesë shumë të vogël të shkeljeve, pra shkelje të lehta. Ndërsa për çdo gjë tjetër, që nënkupton shkelje më të madhe të të drejtave të punës, do të jepet urdhër nga mbikëqyrja inspektuese”, deklaroi Trençevska.