26.12.2023
Trençevska: Vazhdojmë me mbështetjen e fuqishme të organizatave civile në parandalimin dhe mbrojtjen nga dhuna
Ministrja e Punës dhe Politikës Sociale, Jovanka Trenevska, së bashku me Prof. dr. Gordana Siljanovska Davkova, kryetare e Komisionit për mundësi të barabarta për gratë dhe burrat, Lolita Ristova, kryetare e Klubit të deputetëve, Daniela Dimitrievska, drejtoreshë ekzekutive e Lobit të Gruas Maqedonase dhe Liliana Popovska, anëtare e bordit ekzekutiv të Lobit evropian dhe ish-deputetja foli në konferencën “Parandalimi dhe mbrojtja nga dhuna ndaj grave dhe vajzave. Rregullorja, Zbatimi dhe Realiteti”.
Trençevska në fjalimin e saj foli për gjendjen aktuale në vend sa i përket vetëdijes së popullatës për dhunën dhe aktet e dhunës. Ajo theksoi se shteti me zbatimin e ligjeve po bën progres në fushën e kësaj çështjeje, dhuna po raportohet gjithnjë e më shumë dhe theksoi se për këtë kontribuon edhe raporti GREVIO.
“Ne si shtet kemi përgatitur raportin e parë fillestar për zbatimin e Konventës së Stambollit dhe i është dorëzuar organit monitorues GREVIO dhe së shpejti duhet të marrim rekomandimet për përmirësimin e mëtejshëm të reagimit në trajtimin e dhunës me bazë gjinore. Ato do të adresohen në Strategjinë e re për trajtimin e dhunës ndaj grave dhe dhunës në familje, e cila duhet të përgatitet në periudhën e ardhshme”, tha Trençevska.
Pasi theksoi angazhimet e institucioneve, ajo tregoi se synimi i saj do të mbetet mbështetja e sektorit joqeveritar dhe shoqërisë civile, pasi sipas saj, janë ata që ndryshojnë ndërgjegjen sociale. Duke theksuar se vetëm me një qasje të përbashkët do të mund të ecim përpara.