17.10.2023

Trençevska: "Kryqi i Kuq" – partneri ynë besnik në kujdes dhe humanizëm

Ministrja e Punës dhe Politikës Sociale, Jovanka Trençevska, sot ishte pjesë e folëseve të cilët hapën promovimin e Kornizës Zhvillimore të Kryqit të Kuq në RMV "Transformimi - 28". Në të njëjtën kohë, Trençevska ishte pjesë e panelit të diskutimit "Ndërtimi i një shoqërie të shëndetshme dhe të sigurt dhe nevoja për mobilizimin efikas të burimeve për t'iu përgjigjur sfidave bashkëkohore humanitare".

Në panelin e diskutimit Trençevska foli për shërbimet e ofruara nga Ministria e Punës dhe Politikës Sociale dhe për mënyrat se si ministria i afron shërbimet tek qytetarët.

“Do t’i kthehesha reformës sociale që bëmë në vitin 2019. Procesi i zbatimit të reformës, veçanërisht në pjesën e ofrimit të shërbimeve sociale, e cila mundësoi përfshirjen e komunave në planifikimin, zhvillimin dhe ofrimin e shërbimeve sociale në nivel lokal, në bashkëpunim me ofruesit e licencuar të shërbimeve”, tha Trençevska.

Lidhur me bashkëpunimin mes ministrisë dhe Kryqit të Kuq, ministrja theksoi se për të është më e rëndësishme që shërbimet të arrijnë të gjithë qytetarët në mënyrë të barabartë, duke theksuar se Kryqi i Kuq është partneri kryesor në përmbushjen e këtij qëllimi.

“Vullnetarët janë miqtë tanë me të cilët zhvillojmë aktivitete së bashku në qendrat e plakjes aktive. Së bashku zhvillojmë aktivitete në Qendrën për plakje aktive në Çair, ndërsa para disa muajsh hapëm edhe Qendrën për plakje aktive në Komunën e Bosilovës”, theksoi ministrja.

Në fund të panelit, ministrja theksoi se ministria nuk mbështet vetëm projektet e përbashkëta, por edhe ato që Kryqi i Kuq i zbaton individualisht, siç është nisma “Butoni i Emergjencës”. Duke theksuar se nuk ka rëndësi se kush është zbatuesi apo kush i zbaton shërbimet sepse qëllimi i vetëm është kënaqësia e qytetarëve dhe përgjigja ndaj nevojave të tyre.

Me me Organizatat e Kryqit të Kuq, Ministria e Punës dhe Politikës Sociale deri më tani kanë lidhur gjithsej 18 marrëveshje granti dhe janë zhvilluar shërbime (ndihmë dhe kujdes në shtëpi, asistencë personale, kujdes ditor për të moshuarit me plakje aktive) të cilat deri në gusht kanë marrë 1043 përfitues.