02.10.2023
Trençevska: Asnjëherë në historinë e vendit pensionet nuk janë rritur për 24 për qind për rreth një vit e gjysmë
Ministrja e Punës dhe Politikës Sociale, Jovanka Trençevska, në emisionin Analizë në Televizionin 24, foli për temën e pensioneve dhe rritjen e tyre sipas metodologjisë së re.
Sa i përket pagesës së pensioneve sipas metodologjisë së re dhe barazimit që bëhet dy herë në vit në muajt mars dhe shtator, ministrja sqaroi se përqindja prej 5.3 për qind është sipas të dhënave të marra nga Enti Shtetëror i Statistikave. Me këtë harmonizim, pensioni minimal sot është 13.200 denarë, ndërsa pensioni mesatar është mbi 20.000 denarë.
“Kjo Qeveri sjell zgjidhje sistematike. Nëse Qeveria e udhëhequr nga VMRO DPMNE do të investonte në metodologji në vend të masave populiste dhe stiroporit, sot do të flitej për pension minimal prej 25 mijë denarë. Ne po ndërtojmë një sistem që garanton rritje të vazhdueshme. Sot pensioni minimal është 13.200 denarë, nëse para një viti e gjysmë pensioni minimal ishte 10.480 denarë, sot është 13.200 denarë. Në kushte krize, pandemie, krize ekonomike dhe lufte, ne kujdesemi për rritjen e pensioneve, pagave dhe standardit të qytetarëve. Asnjëherë në historinë e vendit nuk ka pasur rritje të pensioneve prej 24 për qind, në rreth një vit e gjysmë”, theksoi Trençevska.
Ministrja theksoi se është shumë e rëndësishme që sistemi i pensioneve të mbahet stabil.
“Në vitin 2022 dhe 2023 kemi krijuar një sërë masash për pensionistët, përmes tyre të gjithë 336.000 pensionistë kanë marrë nga 3.000 denarë, kurse ata me pensionet më të ulëta kanë marrë nga 6.000 dhe 4.000 denarë. Prandaj po themi të mos e rëndojmë sistemin e pensioneve dhe të mos futemi në një situatë që askush të mos marrë pension dhe për pensionistët më të rrezikuar do të bëjmë një paketë masash për periudhën e dimrit kur fondet janë më të nevojshme dhe me shëndetin po punojmë që të vendosim sa më shumë barna në listën pozitive të barnave”, theksoi Trençevska.
Ministrja vuri në dukje se pensionet janë kategori ekonomike dhe sa investohet së bashku me stazhin e shërbimit përcaktohet pensioni. Gjithçka tjetër është një masë populiste. Ajo iu referua edhe sistemit të solidaritetit që ka shteti dhe të gjithë ata që kanë marrë pensione më të ulëta se pensioni minimal, shteti financon shumën deri në pensionin minimal të përcaktuar me ligj.“Pensionet do të jenë në llogaritë e pensionistëve çdo fillim të muajit. Pensionistët duhet të jenë të qetë, sistemi pensional është stabil dhe me masat e duhura sociale do t'u drejtohemi pensionistëve më të rrezikuar”, porositi Trençevska.