24.09.2021
Shahpaska për TV “Kanal 5”: I inkurajoj komunat që të përfshihen në mënyrë aktive në krijimin e shërbimeve sociale në nivel lokal
“Ministria e Punës dhe Politikës Sociale po punon për të zgjeruar ambientet e akomodimit për të moshuarit që kanë mbetur vetëm”, tha ministrja Jagoda Shahpaska në intervistë për televizionin Kanal 5.
Në këtë drejtim, në përputhje me standardet evropiane, Shtëpia e të Moshuarve “Dr. Ivan Vlashki” në Berovë u zgjerua për 15 vende shtesë për akomodim nga 40 vende sa ishin. Po ashtu, MPPS-ja po punon për rindërtimin e një krahu të Qendrës Shëndetësore në Probistip, gjegjësisht një shtëpi të re me kapacitet prej 55 vendesh.
Sipas ministres Shahpaska, MPPS-ja është duke punuar kryesisht në afrimin e shërbimeve të përkujdesjes dhe kujdesit në shtëpi, sepse çdo i rritur ndihet më komod në shtëpinë e tij.
“Ne si MPPS dhe Qeveri së bashku me partnerët tanë nga Komisioni Evropian, përmes fondeve IPA, po punojmë edhe në ndërtimin e shtëpive të të moshuarve. Çdo vit, Ministria, në kuadër të programit social për investime kapitale, shpall thirrje në të cilën komunat aplikojnë në përputhje me projektet e përgatitura më parë. Për më tepër, në programin qeveritar e kemi hapjen e qendrave të kujdesit ditor për plakjen e shëndetshme dhe ne tashmë po krijojmë qendra të tilla në komuna të ndryshme për të cilat kemi lidhur kontratë për zbatimin e tyre. Unë gjithashtu i inkurajoj edhe njësitë e vetëqeverisjes lokale, si një vend ku jetojnë qytetarët, si një vend që është në kontakt të drejtpërdrejtë me nevojat e tyre për të qenë krijues për të zbatuar këto masa të rekomanduara nga MPPS-ja dhe kështu për të krijuar një sistem të qëndrueshëm që do të jetë i saktë në mjedisin ku jetojnë të moshuarit”, tha Shahpaska.
Ministrja paralajmëroi se për shkak të interesimit të madh të qytetarëve, shërbimet sociale do të zhvillohen edhe në të ardhmen.