03.01.2023

Trençevska: Rritja e pensioneve, por edhe plakja aktive si një paketë kujdesi që nis tani dhe këtu

Në kuadër të fushatës "Të fortë dhe të guximshëm" të Ministrisë së Punës dhe Politikës Sociale, e cila ka në fokus mirëqenien, shëndetin mendor dhe fuqizimin dhe mirëqenien ekonomike të grave, u zhvillua një seminar me titull "Plakja aktive - fjalëkalimi për përballjen e shëndetit mendor dhe shëndetit fizik”, me qytetarët tanë më të vjetër – pensionisteve në Manastir.

Punëtoria u organizua në bashkëpunim me Unionin e Pensionistëve- Manastir.

Para fillimit të punëtorisë, gratë pensioniste të pranishme e përshëndetën Ministren e Punës dhe Politikës Sociale, Jovanka Trençevska dhe Ministren e Kulturës, Bisera Kostadinovska Stojçevska, të cilat i falënderuan për praninë e sotme dhe edhe një herë theksuan se masat e ndërmarra nga Qeveria e Maqedonisë së Veriut kanë për qëllim promovimin e cilësisë së jetës së të gjithë qytetarëve. Ministrja Trençevska me këtë rast i njoftoi pensionistet se pensioni i marsit do të arrijë me rritje prej 8,4%.

Punëtorinë e hapi profesoresha Sofia Arnaudova, e cila me një qasje interaktive dhe me përfshirjen e të gjithëve, punoi rreth temës së lumturisë dhe rreth asaj se çfarë e bën të lumtur secilën prej tyre. Kjo ishte një mundësi reale për gratë e pranishme në pension që të ndajnë njohuritë e tyre personale dhe përvojat e jetës.

Për temën e shpresës, çfarë do të thotë të kesh shpresë dhe si me mbështetje mund t'i japësh shpresë dikujt, foli Vesna Roh, psikologe nga Instituti për shëndet mendor të fëmijëve dhe të rinjve - Mlladost, Shtëpia e shëndetit Shkup.

Punëtoria diskutoi rrugën e shpresës, origjinën dhe rrugën e saj drejt së ardhmes dhe zhvillimit të saj.

Shëndeti mendor është çelësi për mirëqenien dhe cilësinë e jetës së çdo individi, prandaj është e nevojshme të rritet ndërgjegjësimi për rëndësinë e tij.

Plakja aktive është çelësi i shëndetit cilësor mendor dhe fizik. Këtë e konfirmuan edhe pensionistët e pranishëm, të cilat në vitet e pjekurisë janë ende aktive dhe kënaqen me atë që bëjnë.

“Nuk ka rëndësi se sa është pensioni, por sa do ta shfrytëzoj”, kanë theksuar ata dhe kanë përcjellë mesazhin për çdo pensioniste në vend.