16.07.2021

Ministrja Shahpaska: Siguruam 55.500 pako higjienike për familjet e rrezikuara

Ministrja e Punës dhe Politikës Sociale, Jagoda Shahpaska, sot së bashku me vullnetarët e Kryqit të Kuq vizitoi disa familje në Shkup, të cilët bëjnë pjesë në kategoritë e rrezikuara të qytetarëve dhe të cilëve iu shpërndanë pako higjienike.

Përmes projektit të mbështetur nga Banka Botërore, Ministria e Punës dhe Politikës Sociale, siguroi mbi 55.500 pako higjienike në vlerë prej 40 milion denarë, të cilat po shpërndahen nëpër shtet.

“Për ne, të gjithë qytetarët janë të rëndësishëm. Askush nuk guxon të lihet anash. Reforma sociale solli ndryshime të rëndësishme në ndihmën dhe mbështetjen e cila me të vërtetë i nevojitet familjeve në rrezik. Gjatë kohës së pandemisë me COVID-19, me lehtësimin e kushteve për hyrje në sistemin e mbrojtjes sociale, ishte siguruar mbështetje për një numër shtesë prej rreth 6000 familjeve nga kategoritë e rrezikuara. Por, qëllimi jonë është këta persona, sa më shpejtë të jetë e mundur të dalin nga sistemi i mbrojtjes sociale dhe në mënyrë aktive të përfshihen në tregun e punës. Për këtë qëllim së bashku me Qendrën për Punë Sociale dhe Agjencinë e Punësimit, përmes planeve individuale të sigurojmë hyrje më të lehtë për këta persona në tregun e punës”, tha ministrja Shahpaska.

Pakot përmbajnë pluhur për larje, mjete për higjienë personale, mjete për dezinfektim, maska mbrojtëse, ndërsa pritet të dorëzohen deri në fund të muajit gusht të vitit 2021.

Së bashku me pakot, në kuadër të programit “Lexojmë në shtëpi” i financuar nga Zyra e Bankës Botërore në Maqedoninë e Veriut, distribuohen edhe libra për fëmijët e familjeve të rrezikuara me të cilën më shumë se 40.000 fëmijë në moshën prej 3-11 vjet do të marrin libra në gjuhën që e flasin në shtëpi.

Iniciativa “Lexojmë në shtëpi” ka për qëllim të nxitë leximin tek fëmijët nga mosha më e hershme dhe të ngrejë vetëdijen te prindërit për nevojën e zhvillimit të shprehive të leximit te fëmijët e tyre.