13.03.2022

Trençevska: Paga e marsit 18.000 denarë për 80.000 bashkëqytetarë tanë dhe mbështetje financiare për punëdhënësit

Ministrja e Punës dhe Politikës Sociale, Jovanka Trençevska, vizitoi konfeksionin e modës “Milano”, në Shtip, biznes familjar i filluar në vitin 1996 dhe që sot udhëhiqet nga gjenerata e dytë e kësaj familjeje.

Disa nga të punësuarit në dyqanin e veshjeve “Milano” marrin pagë minimale dhe vizita ishte një mundësi për të biseduar me punëdhënësit dhe punëtorët për ndryshimet në Ligjin për pagë minimale me të cilat parashihet rritje e pagës minimale prej 18.000 denarë dhe ndryshime në kriteret.

“Si Qeveri qëndrojmë me vendosshmëri në qëndrimin se puna e punëtorit duhet respektuar dhe vlerësuar. Sepse vetëm një punëtor i kënaqur është një punëtor produktiv. Gëzohem që jemi në të njëjtin qëndrim me punëdhënësit për këtë çështje. Sepse produktiviteti i punëtorit ndikon drejtpërdrejt në produktivitetin e përgjithshëm të kompanisë. Kur u shtrua çështja e rritjes së pagës minimale, qëndrimi i të gjithë partnerëve social ishte i njëjtë. “Të rritet paga minimale”, tha ministrja Trençevska.

Ajo theksoi se 80.000 qytetarë më 1 prill do të marrin pagën e marsit prej së paku 18.000 denarë, që është mesatarisht 45 euro më shumë të ardhura për secilin punëtor. Ashtu si diferenca në kontribute në raport me pjesën e rritur të pagës minimale neto, shteti ofron mbështetje financiare deri në fund të këtij viti.

Me pagë minimale prej 18.000 denarë, për vetëm 4 vite e gjysmë kemi rritje të dyfishuar, tha Trençevska.

“Përkujdesi për qytetarët është prioriteti ynë. “Përveç rritjes së pagave, me mbulimin e kontributeve tashmë po sigurojmë subvencione për rreth 130.000 qytetarë të cilët tashmë marrin paga më të larta në kompanitë e tyre, përmes mbulimit të kontributeve - për këtë qëllim ndajmë 48 milionë euro në vit”, tha Trençevska.