10.02.2022

Trençevska: Gjermania është miku dhe mbështetësi ynë në politikat që synojnë avancimin e të drejtave të punëtorëve, mbrojtjen sociale dhe barazinë gjinore

Ministrja e Punës dhe Politikës Sociale, Jovanka Trençevska, sot realizoi një takim me ambasadoren gjermane në vend, Anke Holshtajn dhe zëvendësambasadorin dhe udhëheqësin e sektorit ekonomik në Ambasadën gjermane, Oto Graf.

Në takim u bisedua për fushat që janë në kompetencë të Ministrisë së Punës dhe Politikës Sociale, në të cilat ka bashkëpunim të ngushtë me Republikën e Gjermanisë, siç janë marrëdhëniet e punës, mbrojtja sociale, barazia gjinore, mbrojtja nga diskriminimi dhe parandalimi dhe mbrojtja nga trafikimi i njerëzve.

Ministrja Trençevska theksoi se avancimi i të drejtave të punëtorëve, statusi i punëtorëve dhe në përgjithësi ngritja e standardit jetësor të qytetarëve është prioritet i Qeverisë dhe Ministrisë së Punës dhe Politikës Sociale. Lidhur me këtë, ajo informoi se sot para deputetëve në Kuvendin e Maqedonisë së Veriut do të prezantohen ndryshimet në Ligjin për pagën minimale.

“Përmes dialogut social u miratua zgjidhja më e qëndrueshme për përcaktimin e pagës minimale. Së bashku me partnerët social përmes një diskutimi të hapur arritëm në një zgjidhje që i përshtatet të gjitha palëve të interesuara. Paga minimale prej 18.000 denarë dhe ndryshim i kritereve për përshtatje vjetore të pagës minimale me 50% të rritjes vjetore të pagës mesatare dhe 50% të rritjes së kostos së jetesës. Kështu, nuk do të jetë më e ulët se 57% e pagës mesatare të publikuar nga Enti Shtetëror i Statistikës për vitin paraprak”, tha Trençevska.

Ministrja tha gjithashtu se Qeveria ofron mbështetje financiare për punëdhënësit në fushën e kontributeve për rritjen e pagës minimale neto.

Zëvendësambasadori gjerman Graf tha se kjo zgjidhje ka përkrahje të madhe nga investitorët gjermanë në vend, si dhe se ata përpiqen të arrijnë paga evropiane për punëtorët edhe në Maqedoninë e Veriut.

Ambasadorja gjermane vuri në dukje se me rëndësi të veçantë është ekzistenca e dialogut social në shoqëri, por edhe ndjenja e qytetarëve se janë pjesë e tij, përmes masave dhe politikave që janë në interes të tyre.

Në takim u diskutua edhe për zgjidhjen ligjore javore-ditën e pushimit javor, për sa i përket përjashtimeve dhe nevojës për disa aktivitete për punë në javë, të cilat parashikohen me ligj, dhe rrjedhimisht punëtorët të marrin kompensim për punën të dielave dhe ditëve të pushimit gjatë shtatë ditëve të ardhshme.

Bashkëbiseduesit konfirmuan bashkëpunimin e shkëlqyer të Ministrisë me Shoqatën Gjermane për Bashkëpunim Ndërkombëtar GIZ, në fushën e sipërmarrjes sociale, formalizimit të punës sezonale, informale, trafikimit të qenieve njerëzore, si dhe politikave kundër diskriminimit dhe barazisë gjinore.

Ministri tha se Ligji për Mbrojtjen nga Diskriminimi ka rëndësi të madhe për harmonizimin tonë me legjislacionin evropian, por edhe për qytetarët tanë, pastaj Ligji kundër dhunës ndaj grave dhe mbrojtjes nga format e tjera të dhunës dhe projektligji i ri për barazi gjinore, e cila është në fazën përfundimtare, janë ligjet aktuale për të cilat Ministria ka marrë përgjegjësinë.

Bashkëbiseduesit shprehën gatishmërinë për të vazhduar bashkëpunimin e mirë dhe për të kultivuar marrëdhënie të mira miqësore edhe në të ardhmen.