12.04.2022

Trençevska: Do të punojmë së bashku për zgjidhjen e çështjes së pushimit prindëror dhe pushimit mjekësor të fermerëve

Sot në Ministrinë e Punës dhe Politikës Sociale u mbaj një takim me një grup pune të përbërë nga përfaqësues të organizatave të shoqërisë civile, Ministrisë së Punës dhe Politikës Sociale, Ministrisë së Bujqësisë, Pylltarisë dhe Ekonomisë së Ujërave, Ministrisë së Shëndetësisë, DAP, SPIM, Agjencia e Mbështetjes Financiare për Bujqësinë dhe Zhvillimin Rural dhe Federata Kombëtare e Fermerëve, mbështetur nga organizata suedeze e zhvillimit We Effect.

Formimi i këtij grupi pune synon gjetjen e një mekanizmi ligjor për marrjen e lejes prindërore me pagesë dhe pushimit mjekësor të fermerëve të regjistruar, me nismën e Federatës Kombëtare të Fermerëve.

Ministrja e Punës dhe Politikës Sociale, Jovanka Trençevska përshëndeti themelimin e grupit punues i cili do të punojë për gjetjen e zgjidhjes më të përshtatshme për këtë çështje të rëndësishme, e cila do të bazohet në parimet e sundimit të ligjit, mosdiskriminimit dhe realizimit të konceptit të shtetit të social.

“Besoj se do të gjejmë një mekanizëm të përshtatshëm ligjor për ushtrimin e të drejtës së përdorimit të pushimit prindëror me pagesë dhe të sëmundjes për fermerët e regjistruar, si dhe mbrojtjen nga abuzimi me të, me qëllim rritjen e motivimit të grave rurale për të regjistruar aktivitetin e tyre”, tha ministrja Trençevska.

Ajo shprehu mbështetjen e saj për grupin punues dhe shprehu besimin në zgjidhjen e suksesshme të kësaj çështjeje, e cila do të konfirmojë përpjekjet e përbashkëta për promovimin e pozitës së gruas rurale në shoqëri.

Ministria e Punës dhe Politikës Sociale, duke pranuar një amendament, e inkorporon këtë iniciativë në qëllimet strategjike të Strategjisë për Barazi Gjinore 2022-2027, e cila është në procedurë parlamentare dhe do të jetë pjesë e Planit të Veprimit për Barazi Gjinore 2022-2024.