17.05.2022

Trençevska: Së bashku me sektorin civil promovojmë të drejtat e grupeve të margjinalizuara të qytetarëve

Ministrja e Punës dhe Politikës Sociale Jovanka Trencevska sot nënshkroi memorandum bashkëpunimi me Asociacionin për edukim dhe hulumtim shëndetësor HERA në pjesën e realizimit të aktiviteteve me interes të përbashkët për promovimin e punësimit dhe punësimit të grave rome si grup i margjinalizuar i qytetarëve.

“Qëllimi i këtij memorandumi është krijimi i një bashkëpunimi të qëndrueshëm ndërmjet Ministrisë së Punës dhe Politikës Sociale dhe Herës, me çka do të përmirësohet Plani Nacional Operativ i Punësimit me masa dhe shërbime që janë në përputhje me nevojat dhe kapacitetet e grupit të synuar”, tha Trençevska.

Ministri shtoi se ngritja e kapaciteteve të shërbimeve profesionale dhe stafit administrativ është përfshirë edhe në programet e punësimit për punën me romët.

“Përmes përpjekjeve të përbashkëta do të hartojmë masa specifike për punësimin e grave rome dhe do t'i përshtatim masat ekzistuese në Planin operativ për punësim në përputhje me nevojat dhe kapacitetet e grupit të synuar në bashkëpunim me Agjencinë e Punësimit të Republikës së Maqedonisë së Veriut. Do të sigurojmë edhe mjete nga Buxheti i RMV-së dhe donatorë ndërkombëtarë për zbatimin e suksesshëm të masave”, tha Trençevska.

Të dyja palët ranë dakord për bashkëpunim të frytshëm që do të kontribuojë për barazi më të madhe në të drejtat e të gjithë qytetarëve të vendit.