18.05.2022

Trençevska: Mbështetja e Lidhjes së Luftëtarëve vazhdon

Ministrja e Punës dhe Politikës Sociale, Jovanka Trençevska, sot takoi kryetarin e Sindikatës së Veteranëve, Dr. Nikolla Stojanovski, me të cilin rikonfirmoi mbështetjen e Qeverisë së Republikës së Maqedonisë së Veriut ndaj Lidhjes së luftëtarëve në ruajtjen e traditave, duke shënuar datat e arta nga Lufta Nacional Çlirimtare dhe ruajtja e kujtimit të luftëtarëve.

Duke shprehur respekt për luftëtarët e Luftës Nacional Çlirimtare, Ministrja Trençevska tha se falë guximit dhe vendosmërisë së tyre, sot kemi Republikën e Maqedonisë së Veriut, shtet i njohur ndërkombëtarisht me të gjitha postulatet e shtetësisë, anëtare e Kombeve të Bashkuara, anëtare e NATO-s.

Ajo theksoi se Qeveria dhe Ministria e Punës dhe Politikës Sociale vazhdojnë t'i mbështesin përfaqësuesit e Sindikatës së Veteranëve në shoqërinë e re moderne dhe bashkëkohore, sepse rëndësia e luftëtarëve të Luftës Nacional Çlirimtare për Republikën e Maqedonisë së Veriut është e madhe dhe ajo periudhë mbetet një nga periudhat më të rëndësishme në historinë e shtetit.