04.05.2022
Trençevska: Dhomat ndijore kanë një rëndësi të madhe për personat me aftësi të kufizuar dhe janë një hallkë e rëndësishme në qasjen terapeutike të destinuar për ta
Ministrja e Punës dhe Politikës Sociale, Jovanka Trençevska, sot vizitoi Qendrën ditore për persona me aftësi të kufizuar në Probishtip, ku së fundi funksionon dhoma ndijore për personat me aftësi të kufizuar.
“Rëndësia e madhe e dhomës ndijore për personat me aftësi të kufizuar dihet si nga punonjësit ashtu edhe nga prindërit e personave me aftësi të kufizuar. Aftësia për të stimuluar shqisat lejon përshtatjen më të mirë të përdoruesve me mjedisin e jashtëm. Ekspozimi i moderuar dhe i kontrolluar i personave me aftësi të kufizuar ndaj stimujve të ndryshëm si nuhatja, shija, tingujt, efektet e dritës lejon zhvillimin e shqisave dhe përdorimin e duhur të tyre. Çdo qendër që shfrytëzon dobitë e dhomës ndijore është e vetëdijshme për kënaqësinë dhe efektet pozitive që kanë në të përdoruesit e terapive”, tha Trençevska.
Qendra ditore për persona me aftësi të kufizuar në Probishtip kujdeset për 11 përdorues të moshës 4 deri në 40 vjeç. Qendra kryen terapi individuale dhe grupore në varësi të aftësisë së kufizuar dhe nevojave të përdoruesve. Defektologu, psikologu, infermierja dhe kujdestari social për fëmijët janë ofruesit e shërbimeve në qendër.
“Në periudhën e kaluar miratuam ndryshimin e Vendimit për çmimin e shërbimeve sociale për vitin 2022, me të cilin u vendos çmimi i ri për trajtim individual prej 858 denarë dhe 1.053 denarë në ditë për shfrytëzues të kryer nga profesionist në qendrat e licencuara të kujdesit ditor për fëmijët me aftësi të kufizuar”, shtoi Trençevska.
Trençevska gjithashtu theksoi rëndësinë e të gjitha shërbimeve të ofruara në nivel qendrash që lehtësojnë jetën e përditshme si për fëmijët ashtu edhe për të rriturit me aftësi të kufizuar.
Për punët ndërtimore për renovimin e hapësirës në Qendrën Ditore, Ministria e Punës dhe Politikës Sociale ka investuar mjete nga buxheti i saj në vlerë prej rreth 300.000 denarë pa TVSH (360.000,00 me TVSH). Për blerje dhe montim të pajisjeve rreth 300.000 denarë.