18.03.2022

Trençevska vizitoi dy familje në Krushevë: Përmes shërbimeve sociale në nivel lokal investojmë në të gjithë qytetarët

Gjatë vizitës së dy familjeve në Krushevë u binda se përmes shërbimeve sociale në nivel lokal investojmë në të gjithë qytetarët, tha ministrja Trençevska. Familja e Ruzhica Conevskit, e cila kujdeset për dy persona me aftësi të kufizuara, një fëmijë gjashtëvjeçar me sindromën Down dhe një person 42 vjeç me aftësi të kufizuara mesatare, shfrytëzon përfitimet e shërbimit social, një shtesë të veçantë, një shtesë të garantuar për fëmijë dhe një ndihmë arsimore për fëmijët që janë me mësim të rregullt. Ajo tha se Qeveria dhe Ministria do të vazhdojnë me sigurimin social dhe se këtë vit 300 mijë qytetarë tanë do të përfitojnë kompensime sociale.

“Familja Çonevski ofron një atmosferë familjare dhe ngrohtësi për dy personat e përkujdesur. Krusheva është një qytet me më së shumti familje kujdestare. Janë 29 familje që kujdesen për 37 persona me aftësi të kufizuara të ndryshme. U bëj thirrje qytetarëve të komunave tjera që ta ndjekin shembullin e Krushevasve, sepse familjet kujdestare janë baza e nevojshme për rritjen dhe zhvillimin e duhur, veçanërisht të fëmijëve me aftësi të kufizuara”, tha Trençevska.

Trençevska vizitoi edhe familjen e Olivera dhe Stevo Talevskit, të cilët përdorin ndihmën minimale të garantuar dhe kompensimin për paaftësitë fizike më të rënda. Sipas Programit të Rimbursimit, familja mori lehtësim edhe gjatë blerjes së një makine.

“Mikpritësi ynë Stevo, pavarësisht nga paaftësia e tij, bën dekorime me gurë dhe kështu kontribuon në buxhetin e familjes. Nëpërmjet politikave gjithëpërfshirëse, ne po ndërtojmë një shoqëri gjithëpërfshirëse në të cilën personat me aftësi të kufizuara kanë akses të barabartë në progres dhe zhvillim. Ne po krijojmë kushte për përfshirjen e tyre të plotë," tha Trençevska.

Ministrja Trençevska vizitoi edhe Qendrën ditore për fëmijë dhe të rinj me aftësi të kufizuara, në të cilën 15 fëmijë dhe të rinj fitojnë aftësi të përditshme që do të kontribuojnë në zhvillimin e tyre personal dhe social.

“Vetëm përmes investimeve të qarta dhe konkrete te të gjithë qytetarët mund të presim zhvillim social, për të cilin ata duhet të jenë frymëzim për të gjithë ne. Në të ardhmen do të vazhdojmë të investojmë në potencialet e tyre, duke futur të reja përmes Planit Operativ për punësim”, tha ministrja Trençevska.Ajo theksoi se politikat e Ministrisë së Punës dhe Politikës Sociale do të synojnë një përfshirje më të madhe sociale të personave me aftësi të kufizuara në shoqëri, në baza të barabarta dhe trajtim të barabartë. Ministrja Trençevska sot në Krushevë vizitoi kopshtin e fëmijëve “Gonxha Tufa”, i cili gjendet në të njëjtin objekt me Qendrën Ditore për Fëmijë dhe të Rinj, që është një pasqyrë e vërtetë për përfshirje të plotë.