31.03.2022

Trençevska: Rritja e aksesit në shërbime cilësore do të thotë më shumë kujdes për personat me autizëm

Ministrja e Punës dhe Politikës Sociale, Jovanka Trençevska, në prag të Ditës Ndërkombëtare të Personave me Autizëm u takua me Shoqatën për Fëmijë me Autizëm “Bota ime”. Në takimin e punës u diskutuan disa çështje në fushën e mbrojtjes dhe promovimit të të drejtave të fëmijëve me autizëm, personave në rrezik social dhe personave me aftësi të kufizuara. Ministrja Trençevska, theksoi se bashkëpunimi i Ministrisë së Punës dhe Politikës Sociale me organizatat e shoqërisë civile është në nivel të lartë.

“Ne jemi të përkushtuar për të përmbushur të drejtat e njeriut, veçanërisht për shtresat e rrezikuara, duke rritur aksesin në shërbime cilësore, politika që nënkuptojnë më shumë kujdes dhe mundësi për personat me aftësi të kufizuara. “Bashkëpunimi me sektorin civil është veçanërisht i rëndësishëm për ne, kështu që ne gjithmonë përballemi me sfidat e tyre”, tha ministrja Trençevska.

Përfaqësuesit e organizatave të shoqërisë civile theksuan se presin që theks i veçantë t'i kushtohet trajtimit dhe ndërhyrjeve të hershme të fëmijëve me autizëm në qendrat e autizmit, sepse jep rezultate të shkëlqyera te fëmijët në drejtim të funksionalitetit dhe socializimit të lartë.

Ata besojnë se duhet të ketë Qendra për personat me autizëm në më shumë vendbanime dhe se me decentralizimin e shërbimeve sociale shumë organizata të shoqërisë civile patën mundësinë të jenë pjesë e shërbimeve. Por, sipas tyre, nevojitet mbështetje më e madhe nga vetëqeverisja lokale që shërbimet të barten me sukses në nivel lokal.