08.03.2022
Trençevska: Lufta jonë vazhdon, deri në momentin e arritjes së barazisë në të gjitha fushat e jetës shoqërore
Nën moton "Tregime të ndryshme, luftë e përbashkët" sot në Qeverinë e Republikës së Maqedonisë së Veriut u realizua një eveniment me rastin e 8 Marsit - Ditës Ndërkombëtare të Gruas, organizuar nga Ministria e Punës dhe Politikës Sociale, ku morën pjesë gra të kategorive të ndryshme të rrezikuara.
Ministrja Trençevska përkujtoi se jo vetëm për 8 Mars por për të drejtat e grave duhet të diskutohet çdo ditë të vitit. Ajo tha se kjo është një ditë për të nderuar dhe vlerësuar arritjet dhe luftën për barazi të të gjitha grave dhe vajzave dhe për të dënuar të gjitha format e diskriminimit, dhunës dhe shqetësimit.
“Ne të gjithë vijmë këtu me histori të ndryshme jete, por ai diversitet është thesari ynë. Ajo që na bashkon të gjithëve këtu është lufta që secili prej nesh po bën. Të përbashkëta janë guximi, këmbëngulja, toleranca, ndjeshmëria, përkushtimi. Si ministre e Punës dhe Politikës Sociale, por mbi të gjitha si një grua që ka shumë vite që mbron barazinë gjinore, dua t'u them të gjitha grave se do të qëndroj gjithmonë në anën e barazisë, drejtësisë, konceptit të një shoqërie për të gjithë. "Një shoqëri në të cilën gratë dhe burrat do të kenë mundësi të barabarta dhe qasje në të gjitha resurset e shoqërisë", tha ministrja Trençevska.
Kryeministri i RMV-së, Dimitar Kovaçevski theksoi se pa barazi të plotë gjinore nuk ka as demokraci e as drejtësi sociale. Këto çështje do të zgjidhen vetëm nëse u japim zë, dukshmëri të vazhdueshme dhe nëse flasim për to çdo ditë dhe i theksojmë para gjithë shoqërisë.
“Si Qeveri, ne po punojmë në mënyrë aktive për të ndërtuar një shoqëri pa stereotipe dhe diskriminim, një shoqëri që është gjithëpërfshirëse dhe ofron mundësi të barabarta për të gjithë. Përpjekjet tona për fuqizimin ekonomik përfshijnë si vajzat ashtu edhe gratë. Gratë e pavarura dhe të forta ekonomikisht, me zërin dhe opinionin e tyre të fortë, me mundësitë për zgjedhje të lirë dhe barazi, janë e ardhmja e vendit tonë që nuk do të tolerojë diskriminim mbi asnjë bazë. Vetëm në këtë mënyrë së bashku krijojmë një shoqëri gjithëpërfshirëse, të emancipuar dhe të fortë”, tha Kovaçevski.
Gruaja e parë që tregon historinë e saj është një nënë beqare e një fëmije me aftësi të kufizuara dhe pjesë e familjeve tona kujdestare, gjë që tregon guximin dhe përkushtimin e saj jo vetëm ndaj fëmijës së saj, por edhe për t'i ofruar kujdes dhe një shtëpi të ngrohtë dikujt që ajo i mungon.
“Të jesh kujdestar nuk do të thotë vetëm të kesh një fëmijë, të kesh një vend për të fjetur, për të ngrënë apo për të qëndruar. Çdo kujdestar duhet ta ndjejë fëmijën, momentin e kujdesit, shqetësimit, trishtimit, të jetë pranë tij, t'ia mbajë dorën, ta përqafojë, tha Suzana Stojanovska, nëna e Nikollës - fëmijë me sindromën Down dhe kujdestare e Denisit - fëmijë me shikim të dëmtuar”. Dy fëmijë të veçantë që plotësojnë njëri-tjetrin shumë mirë.
Sipas përfaqësueses së UN WOMEN, Vesna Ivanoviq, stereotipet për vendin dhe rolin e gruas në shtëpi dhe shoqëri, për fat të keq, janë ende kudo rreth nesh, çdo ditë, në rrugë, në klasa, në media, në shtëpi.
“Profesionet janë ende të ndara në burra dhe gra dhe gra në pozita vendimtare, veçanërisht pozitat kyçe vendimtare numërohen me gishtat e duarve, dhe ndonjëherë vetëm në njërën dorë. Prandaj, më 8 Mars, ne duam t'u bëjmë homazhe të veçantë të gjitha grave (dhe burrave) që kanë kontribuar dhe vazhdojnë të kontribuojnë për barazinë gjinore," tha Ivanoviç.
Arife Ademi, nëna e Ëmblës, vajzës me sindromën Down nga Gostivari, ka folur për historinë e tyre familjare dhe sfidat me të cilat janë përballur.
“Historia ime me ardhjen e Ëmblës në këtë botë nuk ndryshon shumë nga historitë tuaja, sepse në tregimet tona ka shumë dashuri, shumë dhimbje dhe shumë shpresë për një të ardhme më të mirë. Sa herë e shikoj Ëmblën në sy, më duket se thotë: Më dhe fjalën, se nuk do të dorëzohesh dhe se nuk do të lodhesh, duke kërkuar të drejtën për të ardhmen time! Të lutem bëhu e fortë mami!”, tha Ademi.