09.03.2022
Trençevska: Investimi në zhvillimin e hershëm të fëmijërisë është thelbësor për gjeneratat e reja cilësore
Fëmijët janë thesari ynë më i madh dhe prandaj investimi në zhvillimin e fëmijërisë së hershme është prioritet i Qeverisë dhe Ministrisë së Punës dhe Politikës Sociale të Republikës së Maqedonisë së Veriut. Ky është mesazhi i ministres së Punës dhe Politikës Sociale Jovanka Trençevska në konferencën me titull “Lidhja e mirëqenies së fëmijëve dhe arritjet e tyre”, organizuar nga Qeveria dhe UNICEF-i me mbështetjen e Ambasadës Britanike. Ministrja Trençevska theksoi se edukimi parashkollor është vendimtar në zhvillimin e fëmijës, sepse vetëm gjeneratat e reja cilësore kontribuojnë në shoqëri. Në këtë proces, theksoi ajo, janë të përfshirë edukatoret e kopshteve, prindërit, gjyshërit dhe të gjithë të tjerët që përmes ndërveprimit të përditshëm nxisin zhvillimin social dhe optimal të fëmijëve.
“Kjo detyrë nuk është gjithmonë e lehtë. Çdo prind ka pyetur veten se si ta ndihmojë më mirë fëmijën e tyre. Ministria, së bashku me UNICEF-in dhe partnerë të tjerë, është duke punuar në zhvillimin e burimeve dhe programeve për të mbështetur prindërit. Me platformën Eduino përmes së cilës ndahen këshilla praktike, strategji që prindërit mund të aplikojnë me fëmijët e tyre, kemi mundësuar aktivitete për zhvillimin socio-emocional të fëmijëve. Përmes Linjës Nacionale për Mbështetjen e Prindërve kemi futur këshillimore në kopsht dhe është duke u përgatitur aplikacioni i parë për përkrahje të prindërve “Bebo”, i cili do të promovohet në prill”, tha ministrja Trençevska.
Ministria e Punës dhe Politikës Sociale, në bashkëpunim me UNICEF-in, po përgatit Strategjinë Kombëtare të Prindërimit 2021-2030, e cila do të hartojë programet dhe shërbimet ekzistuese për mbështetjen e prindërve. Qëllimi i Strategjisë është angazhimi dhe koordinimi i plotë i palëve të interesuara.
“Strategjia do të hapë rrugën për zhvillimin e një sistemi ndërsektorial për të mbështetur familjet dhe prindërit e ardhshëm që çdo fëmijë të marrë kujdesin e duhur dhe stimulimin. Programet Globale të Prindërimit Pozitiv ofrojnë rezultate vendimtare për familjet, veçanërisht ato me mbështetje me nevoja të veçanta, ata që përballen me varfërinë ose disavantazhe të tjera që pengojnë aftësinë e tyre për t'u kujdesur për fëmijët e tyre ose fëmijët që kanë nevojë për mbështetje shtesë. Ne kemi nevojë për programe për të përmirësuar aftësitë e prindërimit. Investimi në aftësitë e prindërve dhe kujdestarëve është një detyrim ndërsektorial. Dashuria për fëmijët tanë vjen natyrshëm, por prindërimi mësohet”, tha ministrja Trençevska.
Nisur nga parimi se fëmijët kanë të drejtën e kujdesit, edukimit dhe edukimit cilësor parashkollor, Qeveria e RMV-së është angazhuar që të rrisë me 50% mbulimin e fëmijëve parashkollorë të moshës 3-6 vjeç në institucionet kujdestare dhe arsimore. Ministria e Punës dhe Politikës Sociale në bashkëpunim me komunat është duke punuar në zgjerimin e kapaciteteve për mbrojtjen dhe edukimin e fëmijëve, me theks të veçantë në rritjen e disponueshmërisë së kopshteve në zonat rurale. Përveç mjeteve buxhetore, Ministria ka edhe 1.5 milionë euro shtesë përmes IPA 2 të destinuara për ndërtimin e dy kopshteve në komunën e Tetovës dhe Tearcës. 15.6 milionë euro shtesë janë siguruar përmes Projektit për Përmirësimin e Shërbimeve Sociale, i cili financohet nga një kredi e Bankës Botërore për të zgjeruar aksesin dhe për të përmirësuar cilësinë e shërbimeve në sistemin e kujdesit për fëmijët.