18.03.2022
Trençevska: Aktivitetet e përcaktuara në Planin e Përbashkët të Punës për vitin 2022, kontribuojnë në përmbushjen e prioriteteve dhe qëllimeve të Ministrisë dhe arritjen e Qëllimeve për zhvillim të qëndrueshëm
Ministrja e Punës dhe Politikës Sociale, Jovanka Trençevska, sot mori pjesë në takimin e dytë të Komitetit të Përbashkët Drejtues (KPD), për zbatimin e Kornizës për bashkëpunim për zhvillim të qëndrueshëm, KB 2021-2025, në Republikën e Maqedonisë së Veriut.
Në takimin e hapur nga bashkëkryesuesit e ZUK-ut, ministri i Punëve të Jashtme, Bujar Osmani dhe Koordinatorja e Përhershme e OKB-së në vend, Rosana Duxhak, nga përfaqësuesit e agjencive të OKB-së në vend, UNFPA, UNVOMEN, UNDP, UNICEF dhe MOT u prezantuan rezultatet e vitit 2021 dhe plani i përbashkët i punës për vitin 2022.
Ministrja Trençevska falënderoi për bashkëpunimin afatgjatë me agjencitë dhe organet e OKB-së në vend, në përpjekjet për arritjen e qëllimeve për zhvillim të qëndrueshëm deri në vitin 2030 dhe mbështetjen në ndërtimin e një shteti të begatë dhe gjithëpërfshirës.
“Prioriteti ynë kryesor është të ofrojmë një shans dhe mundësi për të gjithë - askush të mos anashkalohet. Prandaj, ne vazhdojmë të aktivizojmë grupet e rrezikuara dhe sigurimin e mbështetjes për integrimin e tyre në tregun e punës. Punojmë edhe në krijimin e një mjedisi të favorshëm dhe inkurajues për zhvillimin e ndërmarrjeve sociale”, tha ministrja Trençevska.
Ajo iu referua edhe përpjekjeve të ministrisë për promovimin e të drejtave të punëtorëve dhe sigurimin e kushteve të mira të punës, si dhe rëndësinë e respektimit të sigurisë dhe shëndetit në punë. Rëndësia e funksionimit të Këshillit Social Ekonomik dhe rregullimi i dialogut social në vend si kyç për të sjellë zgjidhje reale dhe të qëndrueshme.
Ministrja vuri në dukje se promovimi i sigurimeve shoqërore, mbrojtja e personave në rrezik social, procesi i deinstitucionalizimit, forcimi i të drejtave për mbrojtjen e fëmijëve, forcimi i kapaciteteve të stafit profesional në kopshte dhe zhvillimi i shërbimeve për prindërit janë procese në të cilat Ministria vazhdon punën.
Ajo informoi se në fushën e mundësive të barabarta dhe mbrojtjes nga diskriminimi, në periudhën e ardhshme do të zbatohen aktivitetet lidhur me miratimin e Ligjit për parandalimin dhe mbrojtjen nga diskriminimi, si dhe përmirësimi i kornizës ligjore dhe strategjike për mundësi të barabarta për gra dhe burra, zbatimi i Planit të Veprimit për zbatimin e Konventës së Stambollit dhe përfshirja e planeve, politikave dhe buxheteve strategjike.
Ministri vuri në dukje se rezultatet e planifikuara për "Prosperitet për të gjithë", "Shërbime cilësore për të gjithë" dhe "Qeverisje të Mirë" të përcaktuara në Planin e Përbashkët për Zbatimin e Kornizës për Bashkëpunim për Zhvillim të Qëndrueshëm janë plotësisht në përputhje me prioritetet dhe aktivitetet e planifikuara për vitin 2022 të ministrisë.
“Aktivitetet e përcaktuara në Planin e Përbashkët të Punës për vitin 2022 do të kontribuojnë dukshëm në përmbushjen e prioriteteve dhe qëllimeve të Ministrisë së Punës dhe Politikës Sociale dhe sigurisht do të kontribuojnë në arritjen e qëllimeve për zhvillim të qëndrueshëm”, tha Trençevska.
Ajo theksoi se zbatimi i Planit të Përbashkët kërkon një koordinim të fortë të ministrive, institucioneve dhe partnerëve zhvillimorë përkatës për të arritur përgjegjësinë e përbashkët dhe shfrytëzimin optimal të burimeve dhe integrimin e përvojave në institucionet e sistemit.