06.07.2022

Seanca e parë konstituive e Këshillit të Sigurimit Social

Këshilli i Sigurimit Social ka mbajtur sot seancën e parë konstituive në Ministrinë e Punës dhe Politikës Sociale.

Ministrja e Punës dhe Politikës Sociale, Jovanka Trençevska, në fjalimin e saj hyrës para anëtarëve të Këshillit, theksoi rolin e këtij Këshilli, i cili është i një rëndësie të madhe për mbrojtjen dhe promovimin e të drejtave dhe interesave sociale të përfituesve të pensionit, përmes marrjes së masave për promovimin e pozitës sociale dhe përmirësimin e standardit të jetesës së përfituesve të pensionit.

“Përmirësimi i cilësisë së jetës së të moshuarve dhe sigurimi i pleqërisë dinjitoze është një nga prioritetet e Qeverisë së Republikës së Maqedonisë së Veriut dhe Ministrisë së Punës dhe Politikës Sociale. Të gjitha politikat dhe masat që i krijojmë dhe i zbatojmë së bashku me sektorin civil janë në atë drejtim”, tha Trençevska.

Ajo iu referua ndryshimeve të fundit të Ligjit të Sigurimit Pensional dhe Invalidor, me të cilin është futur metodologjia e re e rregullimit të pensioneve dhe do të fillojë me pagesën e pensioneve të shtatorit. Sipas ndryshimeve, pensionet do të përshtaten me një model të kombinuar prej 50% rritje të pagës mesatare dhe 50% rritje të kostos së jetesës.

Sipas rendit të ditës së seancës së sotme u zgjodh kryetari dhe nënkryetari i Këshillit të Sigurimit Social.

Për kryetar të Këshillit u zgjodh dr. Stojançe Stefanovski, ndërsa nënkryetare Stanka Trajkova.

Në seancë u votuan ndryshimet në Rregulloren e Këshillit të Sigurimit Social, sipas të cilave seancat do të thirren të paktën një herë në vit, zëvendësimi i një anëtari që mungon në Këshill dhe seancat do të hapen nga përfaqësuesi i Ministrisë së Punës dhe Politikës Sociale.

Para anëtarëve të pranishëm të Këshillit u arsyetua edhe informacioni për gjendjen me fondet për fond të solidaritetit, sipas të cilit fondet për vdekje të cilat paguhen nga fondi i solidaritetit, të cilat në periudhën e kaluar ishin reduktuar, do t'i kthehen qytetarëve. U shpjegua se situata e krijuar është rezultat i rritjes së numrit të pensionistëve të vdekur gjatë pandemisë. Me çka, Bordi i organizatës së regjistruar në fondin e solidaritetit ka marrë vendim të përkohshëm për rritjen e shumës së mbajtjes në burim për pagesën e vdekjes dhe zvogëlimin e mjeteve për pagesën e kompensimit për vdekje në 25.000 denarë. Me të drejtë pagese prej 5.000 denarë deri në pagesë të rregullt prej 30.000 denarë. Diferenca prej 5.000 denarë do të fillojë të paguhet me pagesën e pensioneve në korrik.

Ministrja Trençevska u uroi anëtarëve të Këshillit seanca të frytshme dhe konstruktive të këtij organi të rëndësishëm, qëllimi i të cilit është mbrojtja dhe promovimi i të drejtave dhe interesave sociale të përfituesve të pensioneve.