07.02.2022

Trençevska për TV 24: Jam optimiste se do të gjejmë zgjidhjen më të mirë për rritjen e pagës minimale

Besoj se vazhdimi i dialogut social të Këshillit Ekonomik dhe Social do të sjellë zgjidhjen më të përshtatshme, e cila do të pranohet nga të gjithë partnerët social. Për ne si Qeveri, përmirësimi i gjendjes ekonomike të punëtorëve është prioritet kryesor dhe do të rritet paga minimale, tha ministrja e Punës dhe Politikës Sociale, Jovanka Treçevska, në intervistën e sotme në TV 24. Ministrja tha se është optimiste se do të gjendet një zgjidhje e mirë për punëtorët, punëdhënësit dhe për Qeverinë si partnerë.

“Besoj se në Këshillin Ekonomik dhe Social propozimi do të pranohet nga të gjithë partnerët social. Kur kemi dialog konstruktiv të KES, gjithmonë arrijmë në një zgjidhje që është më e mira për të gjitha palët e përfshira. Buxheti është në gjendje të mirë dhe çdo zgjidhje e propozuar do të mbështetet me financa”, tha ministrja Trençevska.

Ministrja Trençevska theksoi se kërkesa e Federatës së Sindikatave, të cilën e përkrahin edhe sindikatat tjera, është reale sepse është në përputhje me koston e jetesës dhe shportën e konsumatorit. Sindikatat kërkojnë pagë minimale prej 18.000 denarë ose 62% nga paga mesatare. Organizata e punëdhënësve kërkon miratimin e pagës minimale me 50% të pagës mesatare, Konfederata e Bizneseve të Maqedonisë propozon dhënien e ndihmës financiare për pagesën e pagës minimale nga buxheti i RMV-së.