09.02.2022

Trençevska-Kristin Bengston: Avancimi i barazisë gjinore në shoqëri është prioriteti ynë i përbashkët, bashkëpunimi vazhdon

Ministrja e Punës dhe Politikës Sociale, Jovanka Trençevska sot realizoi një takim me ambasadoren e Suedisë në vendin tonë, Kristin Forsgren Bengtson, ku u konfirmuan marrëdhëniet e mira ndërshtetërore, mbështetja që Suedia i jep vendit tonë dhe bashkëpunimi në fusha shumë të rëndësishme për ndërtimin e shoqërisë moderne.

Tema kryesore e takimit ishte barazia gjinore në shoqëri, politikat e qeverisë dhe zbatimi i tyre, përfshirja e institucioneve dhe sektori civil.

Ministrja Trençevska theksoi përkushtimin e Qeverisë për avancimin e barazisë gjinore në shoqëri. Në këtë drejtim, ajo iu referua Ligjit të ri për Barazi Gjinore, i cili është në fazën përfundimtare dhe së shpejti duhet të hyjë në procedurë qeveritare.

“Ligji i ri për Barazi Gjinore siguron barazi të plotë gjinore, forcimin e pozitës dhe statusit të gruas në shoqëri, qasje të barabartë në burime dhe pjesëmarrje të barabartë në vendimmarrje në të gjitha sferat e jetës shoqërore. "Ne po ndërtojmë një shoqëri në të cilën gratë dhe burrat do të kenë të njëjtat privilegje dhe përgjegjësi që do t'i arrijnë në një partneritet real të përbashkët," tha Trençevska.

Ajo informoi se së shpejti do të hapet edhe Qendra Burimore, e cila në fakt është një qendër trajnimi për trajnimin e nëpunësve shtetëror në fushën e krijimit të politikave dhe buxhetimit të përgjegjshëm gjinor.

Ministria përgatiti gjithashtu një Strategji të re për Barazi Gjinore 2021-2026, e cila është në procedurë parlamentare, e cila synon përmirësimin e situatës së barazisë gjinore në përputhje me standardet, rekomandimet dhe angazhimet ndërkombëtare, duke pranuar kështu që barazia gjinore është një nga aspektet kyçe për prosperitetin e shoqërisë në tërësi. Gjithashtu, po përgatitet edhe Plani Kombëtar i Veprimit për Barazi Gjinore 2022-2024.

Ambasadorja Bengson shprehu interes edhe për politikat dhe masat e ndërmarra për të mbështetur dhe përmirësuar standardin e jetesës së romëve, si një kategori e prekur e qytetarëve në shoqërinë tonë.

Ministrja Trençevska theksoi se një nga prioritetet e Qeverisë është promovimi i integrimit të romëve në të gjitha segmentet e jetës shoqërore, arsimi, punësimi, banimi, rregullimi i të dhënave personale.

Ajo theksoi se Ministria po punon për përfshirjen e fëmijëve romë në arsimin parashkollor dhe në përgjithësi për ndërgjegjësimin e familjeve rome për rëndësinë e procesit arsimor. Në atë drejtim është edhe ngritja e qendrave për fëmijët e rrugës që funksionojnë çdo ditë dhe i mbështesin këta fëmijë në procesin arsimor. Qendra të tilla ka në Kisella Vodë dhe Shuto Orizarë, të cilat janë themeluar në bashkëpunim me organizatat e shoqërisë civile. Ajo iu referua edhe mbështetjes së familjeve në rrezik me përfshirjen e tyre në sistemin e mbrojtjes sociale, si përfitues të NGM, por edhe aktivizimin e tyre në tregun e punës.

Të dy bashkëbisedueset shprehën besimin në bashkëpunimin e mëtejshëm të thelluar nga i cili do të përfitojnë drejtpërdrejt qytetarët e Maqedonisë së Veriut.