31.05.2022

Trençevska: Investimi në kapital njerëzor është investim në shtet

Ministrja e Punës dhe Politikës Sociale, Jovanka Trençevska, sot mbajti fjalimin në panelin e diskutimit “Kapitali njerëzor në shekullin XXI” në kuadër të “Forumit Ekonomik dhe Financiar në Shkup”.

Ministrja foli për rëndësinë e arsimit parashkollor dhe forcimin e kapaciteteve të punonjësve në kopshte. Si dhe për krijimin e politikave dhe masave për të adresuar sfidat e papunësisë dhe punësimit të të rinjve.

“Zhvillimi i aftësive që në moshë të hershme hedh themelet e suksesit në zhvillimin e mëtejshëm të fëmijëve. Në periudhën e kaluar kemi investuar në institucionet e fëmijëve dhe kemi rritur kapacitetet e kopshteve për përfshirje më të madhe të fëmijëve në to. Investimi vetëm në infrastrukturë nuk do të sjellë sukses, prandaj po i forcojmë kapacitetet e punëtorëve në kopshte”, tha Trençevska.

Lidhur me masat dhe politikat ku fokusi është tek të rinjtë, ministrja theksoi se Garancia për Rininë është veçanërisht e rëndësishme.

“Garancia për të rinjtë, e cila është pjesë e Iniciativave Lidere Evropiane dhe synon t'u sigurojë të rinjve (15-29 vjeç) një periudhë prej katër muajsh nga data e regjistrimit në Agjencinë e Punësimit të Republikës së Maqedonisë së Veriut, një ofertë cilësore për punësim, arsimim dhe trajnim të vazhdueshëm ose praktikë. Republika e Maqedonisë së Veriut është vendi i parë në Ballkanin Perëndimor që prezantoi dhe zbatoi Garancinë për Rininë”, tha Trençevska.

Ministrja shtoi se posaçërisht atraktiv është Programi i Vetëpunësimit, përmes të cilit Qeveria ndan 5.000 euro për një person për fillimin e një biznesi të ri, ndërsa për dy partnerë granti është 10.000 euro.