31.05.2022

Përmes trajnimeve në Qendrën Burimore për politikëbërje dhe buxhetim të përgjegjshëm gjinor, fuqizohen kapacitetet e punonjësve në sektorin publik

Ministria e Punës dhe Politikës Sociale, në bashkëpunim me Qendrën për Menaxhimin e Ndryshimeve dhe Mbështetjes të Zyrës së UN Women në Shkup, ka nisur një sërë trajnimesh që synojnë ngritjen e kapaciteteve në institucione, të cilat mbahen në Qendrën Burimore për Politikëbërje dhe Përgjegjshmëri Gjinore dhe buxhete. Trajnimet organizohen në kuadër të projektit “Promovimi i politikave dhe buxheteve të përgjegjshme gjinore: drejt qeverisjes transparente, gjithëpërfshirëse dhe llogaridhënëse në Republikën e Maqedonisë së Veriut”.

Trajnimi i parë është me temën “Trajnimi bazë për gjininë, barazinë gjinore dhe futjen e perspektivës gjinore në politikat publike”, i cili u mbajt më 30 dhe 31 maj 2022. Qëllimi i trajnimit është që pjesëmarrësit të fitojnë njohuri për konceptet themelore të gjinisë, konceptet bazë të barazisë gjinore për të njohur dallimet në pozitat e pushtetit në shoqëri që janë kusht për diskriminimin gjinor që të mund të krijojnë dokumente strategjike dhe politikat publike për të përmbushur nevojat e burrave dhe grave në mënyrë të barabartë dhe për të avokuar për miratimin dhe zbatimin e politikave të përgjegjshme gjinore.

Trajnimi është i dedikuar për stafin administrativ me përvojë pune relativisht të shkurtër, personat që kanë filluar të punojnë në institucione në tre vitet e fundit, përkatësisht pjesëmarrës që nuk kanë pasur mundësi të njihen me konceptet e barazisë gjinore dhe të marrin pjesë në politikëbërje, proceset dhe programet në institucionet e tyre.

Në trajnim morën pjesë përfaqësues nga të gjitha ministritë e resorit.Më shumë informacione në linkun: http://bitly.ws/rVoC