23.03.2022

MPPS: Pensionet e marsit me 1000 denarë shtesë do të fillojnë të paguhen prej më 29 mars 

Më shumë se 330 mijë pensionistë do të marrin pension më të lartë për 1000 denarë me pagesën e pensionit të marsit përmes ndihmës drejtpërdrejtë financiare të dakorduar, e cila do të paguhet edhe në muajt prill dhe maj.  

Këto janë 3000 denarë shtesë vetëm për këta tre muaj, të cilët pasohen me rritjen më të madhe të pensioneve deri më tani sipas korrigjimit prej 2,9% në janar të këtij viti kur pensionistët kanë pasur rritje prej së paku 460 denarë.

Me ndihmën financiare dhe metodologjinë e re për rritje të vazhdueshme të pensioneve, e cila do të aplikohet me pensionin e shtatorit, pensionistët këtë vit do të kenë rritje vjetore prej rreth 12.000 denarë, që është një rritje rekord e pensioneve në historinë e Maqedonisë së Veriut. 

Pensionet e muajit mars përmes rrjetit të bankomateve do të jenë të disponueshme nga data 29 mars 2022, ndërsa pagesa me para në dorë për klientët që nuk përdorin karta bankat do të paguajnë në katër grupe sipas lartësisë së pensionit. Mbështetje financiare, si dhe rritje pensionet sipas metodologjisë së re do të paguhen nga Fondi i Sigurimit Pensional dhe Invalidor, gjë që konfirmon stabilitetin e tij si rezultat i politikave të mira ekonomike të Qeverisë dhe menaxhimit të suksesshëm të Fondit dhe rezervave të krijuara. 

Nëpërmjet një dialogu të hapur me të gjitha palët e interesuara, u arrit një zgjidhje e qëndrueshme për rritjen e vazhdueshme të pensioneve, dhe rrjedhimisht edhe të standardit dhe cilësisë së jetës së pensionistëve.