25.01.2024

Trençevska: Të rinjtë le të vazhdojnë të jenë iniciatorë, ne jemi këtu për t'i realizuar iniciativat

Ministrja e Punës dhe Politikës Sociale, Jovanka Trençevska, sot mori pjesë në panairin e shërbimit “Mënyrat drejt shëndetit të mirë mendor” të organizuar nga Këshilli Rinor Kombëtar i Rinisë së Maqedonisë dhe Ministria e Punës dhe Politikës Sociale.

Në këtë aktivitet u prezantua Strategjia Kombëtare për Shëndetin Mendor të të Rinjve, si dhe qendra e re e këshillimit për të rinjtë, të cilën ministria duhet ta zbatojë si hapin e parë të planit të veprimit që doli nga strategjia.

Shërbimet e planifikuara që do të ofrohen në qendrën e këshillimit janë: shërbimet e këshillimit, ndihma dhe mbështetja psikosociale, terapia profesionale dhe ndërtimi i aftësive dhe këshillimi. Këshillimorja do të jetë pjesë e Institucionit Publik të Kujdesit për Fëmijët me Probleme Edukative-Sociale dhe Sjellje të Çrregulluara “25 Maji”.

Ministrja Trençevska në prezantimin e saj theksoi besimin e saj tek të rinjtë në frymën e tyre progresive dhe mënyrën e të menduarit. Ajo theksoi se Qeveria deri më tani ka punuar së bashku me të rinjtë, ka qenë pjesë e nismave të tyre dhe të gjitha me një qëllim, mundësi më të mira në vendin tonë dhe perspektiva më të mëdha.