08.02.2024

Takimi Vellkovski - Gir: BE-ja mbetet një mbështetës i fuqishëm i shtetit në përpjekjet e tij për të ulur papunësinë dhe për të avancuar mbrojtjen sociale dhe të fëmijëve

Bashkimi Evropian do të vazhdojë të ofrojë mbështetje financiare dhe logjistike për krijimin e politikave dhe masave cilësore që do të avancojnë sistemet sociale dhe të mbrojtjes së fëmijëve dhe do të përmirësojnë situatën e tregut të punës duke rritur punësueshmërinë e qytetarëve dhe duke ulur shkallën e papunësisë.

Kjo u konfirmua në takimin e sotëm të parë të ministrit të Punës dhe Politikës Sociale Gjoko Vellkovski me ambasadorin e Bashkimit Evropian në Shkup, Devid Gir, ku u diskutua për gjendjen aktuale në resor dhe aktivitetet e planifikuara në periudhën në vijim.

Vellkovski informoi se në tre muajt e ardhshëm prioritet i tij është rritja e transparencës dhe efikasitetit të punës së ministrisë dhe institucioneve nën juridiksionin e tij, në mënyrë që qytetarët të mund t'i ushtrojnë të gjitha të drejtat e tyre në mënyrë të thjeshtë dhe me kohë sipas rregullave ligjore.

Në takim u bisedua edhe për aktivitetet e përbashkëta të MPPS-së dhe Delegacionit të Bashkimit Evropian, ndërsa ambasadori Gir shprehu bindjen se fondet evropiane mbeten të hapura për të mbështetur projekte dhe masa nga të cilat synohet përfitimi përfundimtar për qytetarët.