MBIKËQYRJA INSPEKTUESE

Ministria realizon mbikëqyrje inspektuese ndaj zbatimit dhe aplikimit të ligjeve dhe rregullave tjera të sferës së mbrojtjes sociale dhe mbrojtjen e fëmijëve, ndaj institucioneve për mbrojtje sociale dhe personave tjerë juridik dhe fizik që kryejnë punë të caktuara nga mbrojta sociale si veprimtari profesionale dhe institucionet publike dhe private për fëmijë, çerdhet e fëmijëve, pushimoret e fëmijëve dhe personat e tjerë fizik dhe juridik që kryejnë punë të caktuara nga sfera e mbrojtjes së fëmijëve si veprimtari profesionale.

Mbikëqyrja inspektuese përfshinë:

• Mbikëqyrjen ndaj zbatimit dhe aplikimit të këtyre dhe ligjeve tjera, si dhe aktet e përgjithshme dhe të veçanta të miratuara në bazë të tyre, me të cilat janë rregulluar punët nga sfera e mbrojtjes sociale dhe mbrojtjes së fëmijëve;
• Mbikëqyrja e punëve me rëndësi për statusin e kryerësit të veprimtarisë së mbrojtjes sociale, të drejtat dhe përkujdesja e edukimi i fëmijëve të moshës parashkollore;
• Mbikëqyrje për plotësimin e kushteve që kanë të bëjnë me hapësirën, pajisjen dhe kuadrot profesional për realizimin e veprimtarisë së mbrojtjes sociale dhe mbrojtjes së fëmijëve;
• Mbikëqyrje të realizimit të të drejtave dhe plotësimin e obligimeve të shfrytëzuesve, të përcaktuara me këto ligje;
• Mbikëqyrje të plotësimit të kushteve të nevojshme për realizimin e punëve të punëtorit profesional ose të tjerëve, në institucionet për mbrojtje sociale persona fizik ose juridik që kryejnë punë të caktuara nga mbrojtja sociale dhe mbrojtja e fëmijëve;
• Përpilimi i evidencës, dokumentacionit dhe raporteve për punën e realizuesve të mbrojtjes sociale dhe mbrojtjes së fëmijëve;
• Mbikëqyrje të zbatimit të masave të shqiptuara gjatë mbikëqyrjes inspektuese paraprake;

Mbikëqyrja inspektuese realizohet si inspektim i rregullt ose i jashtëzakonshëm, bë bazë të programit vjetor.

Mbikëqyrja e rregullt realizohet së paku njëherë në një periudhë prej tre viteve, te të gjitha institucionet për mbrojtje sociale dhe institucionet për mbrojtjen e fëmijëve, si dhe personave të tjerë juridik dhe fizik që kryejnë punë të caktuara të mbrojtjes sociale dhe mbrojtjes së fëmijëve.

Mbikëqyrja e jashtëzakonshme zbatohet me detyrë zyrtare, iniciativë nga qytetarët, organet kompetente, organet e tjera, si dhe organizatat dhe personat e tjerë juridik, kur ekziston interes i qytetarit, interes i personave të tretë ose një interes i përgjithshëm.

Gjatë realizimit të mbikëqyrjes inspektuese, inspektori i ka këto të drejta dhe obligime:

• Me vendim të ndalojë institucionin për mbrojtje sociale dhe mbrojtje të fëmijëve, si dhe  personat e tjerë juridik dhe fizik që kryejnë punë të caktuara të mbrojtjes sociale dhe mbrojtjes së fëmijëve që të realizojnë masat dhe të ndërmarrin punë që janë në kundërshtim me ligjin;
• Të iniciojë procedurë për konstatimin e përgjegjësisë kundërvajtëse,
• Të parashtrojë padi penale deri te prokurori kompetent publik, nëse vlerëson se është shkelur ligji ose ndonjë rregullore tjetër, ndërsa ajo shkelje tërheq përgjegjësi të dënueshme sipas ligjit.