27.06.2023
МТСП: Делегацијата на РСМ на размена на ставови во Стразбур во делот на антидискриминацијата
Претставници на Министерството за труд и социјална политика беа дел од делегацијата на Република Северна Македонија која присуствуваше на седмиот пленарен состанок на Управниот комитет за антидискриминација, диверзитет и инклузија во Стразбур.
Делегацијата беше предводена од страна на Министерката за култура, Бисера Костадиновска-Стојчевска која на состанокот се обрати од името на министерката за труд и социјална политика Јованка Тренчевска и Владата на Република Северна Македонија.
На пленарниот состанок од страна на говорниците на делегацијата беа истакнати заложбите на Република Северна Македонија за развивање на општество каде нема да има разлика на етничка припадност, каде сите ќе се чувствуваат сигурни и каде ќе имаат еднакви можности за личен развој и напредок.
Исто така беше истакнато дека Владата посветува особено внимание за вклучување на родовата перспектива во сите политики и сфери на дејствување.
Целта на состанокот беше размена на ставови за Деветтата меѓународна конференција на жените Ромки со членовите на Управниот комитет за антидискриминација, диверзитет и инклузија.