Проект за користење бесплатна услуга за одмор и рекреација на деца од семејства во социјален ризик и деца корисници на посебен додаток

Цел: развивање на психомоторниот развој на децата и способност за договарање, почитување на разликите и соработка во групи, способност за прифаќање на себеси и другите и ориентација во просторот.

Услугата за одмор и рекреација се користи  за време зимскиот и летниот распуст а може да ја користат деца од семејства во социјален ризик (детски додаток, додаток за образование и гарантирана минимална помош) редовни ученици во основно училиште, како и деца корисници на посебен додаток до 26 години. 

Со услугата за одмор и рекреација, за време на летниот распуст на корисниците им се обезбедува престој од 7 дена (шест полни пансиони со три оброка дневно), а за време на зимскиот распуст на корисниците им се обезбедува престој од 6 дена (пет полни пансиони со три оброка дневно).

Децата корисници на посебен додаток имаат право на придружник за време на одмор и рекреација.

Превозот на децата ќе биде организиран од страна на надлежниот Центар  за социјална работа (од определено место) до објектот каде ќе се реализира одморот  и обратно.

Постигнати резултати:

Проектот започна да се реализира од лето 2012 година.     

Истиот не се реализира: 

-лето 2020 година; 

-зима и лето 2021 година; и 

-зима 2022 година, заради пандемијата со КОВИД 19.

Проектот повторно започна да се реализира од лето 2022 година.

Услугата за одмор и рекреација започнувајќи од 2012 година, па се до зима 2025 година, ја искористиле 17.153 лица.