19.04.2022

Тренчевска-Дуев: Меморандумот за соработка е потврда за нашите заложби и продлабочување на меѓусебната соработка

Министерката за труд и социјална политика, Јованка Тренчевска и деканот на Филозофскиот факултет при УКИМ, проф. Д-р Ратко Дуев, денес потпишаа Анекс кон Меморандум за соработка помеѓу Филозофскиот факултет и Министерството за труд и социјална политика. Потпишувањето на овој документ претставува продолжување на воспоставената соработка и нејзино проширување преку апликација и имплементација на заеднички проекти, подобрување на стандардот за студирање на студенти, особено од маргинализирани групи. 

„Очекувам плодна соработка помеѓу институциите, со која ќе создаваме кадри кои ќе можат успешно да се пласираат на пазарот на трудот. Соработката е во насока на зајакнување на сите аспекти на функционирањето на факултетот заедно со министерството," рече министерката Тренчевска.

Потписниците на анексот кон Меморандумот, изразија уверување дека неговото потпишување ќе овозможи вистинска соработка на сите полиња за кои се склучува, соработка на полето на стручни лица од практиката, пракса за студентите, заеднички проекти. Притоа, истакнаа дека, соработката ќе се остварува со цел оовозможување на подобро образование за секој студент на Филозофскиот факулет.

Меморандумот за соработка се однесува на областите социјална политика, социјално осигурување, социјална заштита, социјална работа, детска заштита, семејна работа, работни односи и вработување, образовна и социјална вклученост, специјална рехабилитација и  едукација, родова еднаквост, како и не-дискриминација, еднакви можности и европска интеграција.