13.04.2022
Средба Тренчевска-Тицињски: Полска продолжува да биде наш верен соработник со која споделуваме искуства за понатамошниот напредок во формирање на политики
Министерката за труд и социјална политика Јованка Тренчевска се сретна со Полскиот Амбасадор Војциех Тицињски. На средбата се разговараше за досегашната соработка помеѓу државите, како и можностите за понатамошното споделување на искуства кое ќе придонесе во креирањето на политики за развојот на државата и нејзината интеграција во Европската Унија.
„Полска е долгогодишен поддржувач и пријател на Северна Македонија. Споделувајќи искуства низ постојаната соработка научивме многу во делот на социјалното претприемништво. Стекнатите искуствата ни се од голема корист и за подготвување на Законот за социјално претприемништво и во делот на ИПА проектите“, рече Тренчевска.
Амбасадорот на Полска изрази поддршка и во унапредувањето на животот на граѓаните во локалните самоуправи и организација на студиски престој и размена на искуства на релевантни теми.
„Ќе ги мотивираме нашите партнери за претприемништво и невладините организации кои работат на социјалните услуги и ќе им дадеме поддршка да се вклучат во реализација на дадените предлози,“ додаде Тренчевска.
Двете страни изразија благодарност за досегашната соработка која ќе продолжи и во наредниот период.