14.6.2018

Иновативни решенија за просперитет и солидарност

Министерката за труд и социјална политика, Мила Царовска, беше претседавач на сесијата на тема „ Иновативни решенија за просперитет и солидарност “, во рамките на меѓународната конференција во Талин, Естонија, насловена „Здравствени системи за просперитет и солидарност“.

11.6.2018

Царовска во посета на групниот дом во Неготино: Деинституционализацијата е првиот чекор кон градење похумано општество

Министерката за труд и социјална политика Мила Царовска, заедно со постојаната претставничка на ОН во земјава Луиза Винтон, претставникот на УНИЦЕФ Бенџамин Перкс и претставници од Европската делегација денеска го посети новиот групен дом во Неготино. Во него ќе бидат сместени три деца со интелектуална попреченост, досега згрижени во Специјалниот завод Демир Капија.

8.6.2018

Царовска од Белград: Земјата напредува онолку колку што се подобрува квалитетот на животот на сите граѓани

Министерката за труд и социјална политика Мила Царовска учествуваше на регионална конференција „Иднината на државите на благостојба на Западен Балкан“ во организација на Центарот за социјална политика од Белград.

6.6.2018

Царовска се обрати на 107-та конференција на Меѓународната организација на трудот во Женева

Министерката за труд и социјална политика Мила Царовска, учествува на 107-та конференција на Меѓународната организација на трудот, која се оддржува во Женева. 

5.6.2018

МТСП: Отворен реновираниот Дневен центар за деца со аутизам во Топанско Поле

Министерката за труд и социјална политика денеска присуствуваше на отворањето на   реновираниот  Дневен центар за деца со аутизам во Топанско Поле. Реновирањето е плод на заедничка соработка помеѓу  Меѓуопштинскиот центар за социјална работа на град Скопје, Здружението на граѓани „Имаго Плус„ и ЈУ “Завод за рехабилитација на деца и младинци“ – Скопје. Во реновирање на центарот во кој се обезбедува психосоцијален третман и поддршка за децата со попреченост и советодавна работа со нивните родители, поддршка даде и приватниот сектор. КБ Публикум инвест АД Скопје и Дигит Експрес ММ ДООЕЛ обезбедија дидактички материјали и играчки за децата кои ќе го посетуваат центарот.

4.6.2018

МТСП: Се забрзува процесот на  деинституционализација, идната недела почнува преселбата на децата сместени во Демир Капија

Министерката за труд и социјална политика Мила Царовска, со дел од пратениците го посети Специјалниот завод Демир Капија,  каде што реформите интензивно течат. Првите корисници што ќе излезат од институцијата се децата кои се селат во мал групен дом во Неготино во понеделник. Овој месец, вкупно седум деца ќе бидат преместени во мали групни домови во кои ќе им бидат обезбедени сите услови и услуги за успешен раст и развој.

4.6.2018

Втора меѓународна конференција „Жените во енергетиката 2018"

 
Министерката за труд и социјална политика, Мила Царовска и министерката без ресор задолжена за странски инвестиции, Зорица Апостолска денеска учествуваа на панел на тема „Состојбата наспроти можностите за постигнување на родова еднаквост”, кој е дел од Втората меѓународна конференција „Жените во енергетиката 2018“. 

Министерката Царовска истакна дека во насока на јакнење на заедничкиот пристап кон родовите прашања, Владата ја формира Интересорската советодавна-консултативна група за еднакви можности на жените и мажите, тело кое има обврска да се грижи за имплементација на родовите перспективи во креирањето на политиките и буџетите. 

4.6.2018

Отворена прва градинка во Општина Чашка

Министерката за труд и социјална политика, Мила Царовска денеска присуствуваше на отворањето на новата градинка „Објектот8 – Бамби“ во Општина Чашка.

1.6.2018

МТСП и УНИЦЕФ ја промовираа кампањата „На секое дете му треба семејство“

Министерството за труд и социјална политика и  УНИЦЕФ  ја отпочнаа кампањата „На секое дете му треба семејство“ која има за цел да ги поттикне граѓаните да станат згрижувачи на деца без родителска грижа и да им овозможат да растат во безбедно и грижливо семејно опкружување исполнето со љубов. Кампањата има за цел и да мобилизира поддршка за решенија за грижа во семејно опкружување на ниво на заедницата, наспроти институционално згрижување.

23.5.2018

Царовска: Словенечките искуства ќе ни помогнат да донесеме добар Закон за работни односи

Министерството за труд и социјална политика организира работилница на тема ,,Реформи на пазарот на труд во Република македонија - Што можеме да научиме од искуството на Словенија?’’како дел од дебатата за реформи на пазарот на труд и донесувањето на нов Закон за работни односи, кој треба да се усвои до крајот на годинава.

22.5.2018

Царовска на конференција на ФООМ - Има ли шанси отвореното општество во Македонија

Министерката за труд и социјална политика, Мила Царовска учествуваше на панел дискусијата на тема ,,Има ли шанси отвореното општество во Македонија’’, организирана во рамки на одбележувањето на 25-годишниот јубилеј на Фондацијата отворено општество Македонија. 

22.5.2018

Царовска: Родово одговорното буџетирање значи создавање еднакво општество

Министерката за труд и социјална политика, Мила Царовска се обрати на регионалната Конференција за родово одговорно буџетирање, која се одржува на 22-23 мај 2018 година во Скопје.

 
Министерката Царовска нагласи дека вклучувањето на родовата перспектива во политиките, стратешките планови и буџетите е еден од приоритетите. Притоа, сите кои се вклучени во буџетското планирање мора да бидат свесни дека  населението не е хомогена група, а алоцираните средства треба да одговорат на потребите на сите граѓани.  

18.5.2018

Царовска и градоначалници во посета на Заводот Демир Капија:Oпштините се клучна алка во процесот на деинституционализација

Министерството за труд и социјална политика денеска организираше средба во Заводот Демир Капија, на која присуствуваа министерката Царовска, заменик министерот за локална самоуправа Дејан Павлевски и градоначалници и претставници на општини во кои постои можност за вклучување во првата фаза на деинституционализацијата. 

Во воведното обраќање министерката Царовска изрази благодарност што голем дел од поканетите се одзваа на средбата, која за прв пат се случува токму во институција чија трансформација е неопходна. Целта е општините да се подготват за спроведување на деинституционализацијата, која подразбира создавање на социјални, здравствени, образовни и други услуги во самите локални заедници.

17.5.2018 

МТСП доби награда ,,Поддржувач на годината’’ во борбата против хомофобија, бифобија и трансфобија

Министерството за труд и социјална политика оваа година ја доби наградата „Поддржувач на годината“ од страна на Субверзивен фронт, во рамките на Националната конференција „Како до интегриран пристап до услуги на здравствена и социјална заштита за ЛГБТИ луѓе“. 

Министерката за труд и социјална политика Мила Царовска се заблагодари за наградата и истакна дека МТСП работи на целосна реформа на системот на социјална заштита кој ќе ги подобри услугите и ќе овозможи еднаков пристап до нив, без никаква дискриминација.

17.5.2018

Јавна дебата за нацрт Стратегијата за деинституционализација

На Филозофскиот факултет при УКИМ денеска се одржа јавна расправа за нацрт текстот на Националната стратегија за деинстутуционализација, една од најзначајните реформи кои ги спроведува Министерството за труд и социјална политика.

Националната стратегија предвидува трансформација на големите институции за згрижување деца и возрасни, при што во првата фаза до 2022 година целни групи се децата и лицата со попреченост, деца без родители и со воспитно социјални проблеми, а во втората фаза, возрасни со долгорочни потешкотии со менталното здравје и постари лица.