Анкета за работна сила

Анкетата за работна сила претставува истражување на економската активност на населението и обезбедува податоци за големината, структурата и карактеристиките на активното население.

Оттука, анкетата на работна сила претставува еден извор за основните категории на работна сила - вработени, невработени и неактивно население. Анкетата на работна сила дава податоци за структурата на овие категории и за нивните развојни тенденции.  

Анкетата за работна сила во Македонија за првпат е спроведена во 1996. 

	Вкупно население	Активно население			Стапка на активност	Стапка на вработеност	Стапка на невработеност
		Вкупно	Вработени	Невработени
2006	1 618 482	891 679	570 404	321 274	55.1	35.2	36.0
2007	1 628 635	907 138	590 234	316 905	55.7	36.2	34.9
2007/I	1 624 611	902 588	579 301	323 287	55.6	35.7	35.8
2008/I	1 635 058	902 512	600 593	319 919	56.3	36.7	34.8

Анкетата за работна сила, почнувајќи од 2004 година е континуирана квартална Анкета. Истражувањето се спроведува врз база на примерок од 10000 домаќинства на територијата на целата земја, што изнесува 1.8% од вкупниот број на домаќинства. 

Според податоците на Државниот завод за статистика, во I квартал од 2008 година, активното население во РМ брои 920 512 лица од кои вработени се 600 593 лице или 65,2%, а 319 919  лица или 34,8% се невработени.

Бројот на вработените лица во I квартал од 2008 година спореден со истиот период од минатата година е зголемен за 3.7%. Во однос на истиот период од 2007 година, бројот на невработените лица бележи намалување од 1,0%.

Стапката на активност во овој период е 56.3%, стапката на невработеност 36.7, додека стапката на невработеност изнесува 34.8.

Основни концепти и дефиниции:

Работоспособно население - го сочинуваат сите лица на возраст од 15 до 80 години.

Економски активно население (Работна сила) - го сочинуваат вработените и невработените лица.

Во согласност со препораките на МОТ (Меѓународната организација на трудот), вработени се лицата на возраст од 15 години и повеќе кои:

• за време на извештајната недела работеле за пари (во готово или во натура) или профит, најмалку 1 час;
• за време на извештајната недела привремено (поради болест, отсуство, студии ...) биле отсутни од работното место, но формално;
• биле вработени;
• помагале на семејниот имот или семјното претпријатие без плата.

Според економскиот статус, вработените се класифицираат на:

• работодавци
• вработени лица
• вработени за сопствена сметка
• неплатени семејни работници

Како невработени се сметаат лица кои:

• за време на извештајната недела не работеле;
• активно барале работа;
• биле подготвени да отпочнат работа во неделата на анкетата или наредната недела.

Главни индикатори за следење на промените кај работната сила се:

• Стапка на активност (работна сила/работоспособно население)
• Стапка на вработеност (вработени/работоспсобно население)
• Стапка на невработеност (невработени/ работна сила)