Основна цел на проектот е да се подобри квалитетот на услугите во администрирање на социјалното осигурување и да се зајакне регулаторната рамка за лицата со попреченост и опасни занимања. Проектот опфаќа реформски активности од кои се очекува значајни промени во постојниот систем на евиденција на социјалното осигурување, проценка на попреченост, вработување на лицата со попреченост и ревидирање на листата на работните места класифицирани како опасни занимања/работни места подобни за предвремено пензионирање. Како корисници на проектот идентификувани се сите социјално осигурени лица, работодавачи, пензионери, лица со попреченост, како и вработени во агенциите за социјално осигурување и даночни агенции.
Проектот вклучува две главни компоненти и пет под-компоненти, со дополнителна трета административна компонента која се однесува на управувањето со проектот.
Компонента 1: Подобрување на квалитетот на услугите за администрирање на социјалното осигурување
- Под-компонента 1.1 Воспоставување на единствен унифициран регистарски систем на социјални осигуреници (СУРС)
- Под-компонента 1.2 Подобрување и модернизација на деловните процеси во ПИОМ
Компонента 2: Јакнење на регулаторната рамка за лица со попреченост и за опасни занимања
- Под-компонента 2.1 Воспоставување на нов систем за проценка на попреченост и Централно координативно тело за утврдување инвалидност (CDCCU)
- Под-компонента 2.2 Реформа на системот за вработување на лица со попреченост
- Под-компонента 2.3 Ревидирање на листата на опасни занимања со бенефициран стаж
Компонента 3: Управување со проектот
Механизам за поставување прашања/коментари/поплаки
Доколку сте засегнати на некој начин од проектните активности и би сакале да доставите прашање, коментар, сугестија и/или поплака или пак да доставите повратна информација за одредена проектна активност, тоа може да го направите на следната е-маил адреса:
- info.siap@mtsp.gov.mk