Државен испекторат за труд
ул. Партизански одреди бр. 48, Скопје
Директор: Горан Јовановски
Тел: 02/3 296 310, 3 116 110
Државниот испекторат за труд (или популарно познат како Трудова испекција) функционира како орган во состав на Министерството за труд и социјална политика и за својата работа директно одговара пред министерот за труд и социјална политика. Испекторатот за труд делува на територијата на целата држава преку воспоставената мрежа на испектори која брои 61 испектори за работни односи и 32 испектори за безбедност и здравје при работа. Во рамките на државниот испекторат за труд функционираат два сектори:
Државниот испекторат за труд врши испекциски надзор над примената на законите за:
- работни односи
- вработување
- безбедност и здравје при работа
- на колективните договори
- договорите за работа и
- други акти со кои се уредуваат и остваруваат правата, обврските и одговорностите на работниците и работодавачите во областа на работните односи и безбедноста и здравјето при работа.
Суштината на постоењето на испекторатот и секторите кои функционираат како негов интегрален дел се наоѓа во намалување на бројот на работно ангажираните лица непријавени во Фондот за ПИО, заштита на правата од областа на работните односи и здравје и безбедност при работа.
Државниот испекторат за труд постапува и по усмени и писмени претставки на работниците и граѓаните. Усмените барања можат да се пријавуваат на следниве телефони: 02/ 3 296 310 и 3 116 110.
Делувањето на Испекторатот е насочено кон:
- Редовно и ефикасно функционирање на превентивната и репресивната функција на Инспекторатот
- Спречување на субјектите да работат без утврдени мерки, нормативи и стандарди за заштита при работа
- Намалување на бројот на трудовите инвалиди, тешките повреди и смртните случаи
- Да се елиминира ДИВО работење - сите ангажирани кај работодавците да имаат заснован работен однос и да остваруваат права од работни односи согласно законите и колективните договори
- Ефикасно санкционирање на сите прекршители на законите
- Квалитетна заштита на правата на работниците и создавање чувство на сигурност и одговорност
- Доследно спроведување на законите, колективните договори и други прописи над кои инспекцијата врши надзор
- Создавање клима на доверба помеѓу работниците, работодавците и инспекцијата
- Отварање на инспекторатот кон јавноста во функција на квалитетно информирање и анимација на работодавците и работниците
- Ефикасен и квалитетно организиран Инспекторат
- Компетентен, стручен и мотивирен инспектор
- Обезбедени ефикасни комуникации интерни (во рамките на инспекторатот) и екстерни (со инстируциите, органите и службите од интерес).
| 
